रुसले ग्रीस, डेनमार्क, स्लोभेनिया, क्रोएसिया र स्लोभाकियालाई “अमित्र” देशहरूको सूचीमा थप्यो

रुसी सरकारले ग्रीस, डेनमार्क, स्लोभेनिया, क्रोएशिया र स्लोभाकियालाई थप्दै ” अमित्रतापूर्ण विदेशी राष्ट्रहरू” को सूचीमा विस्तार गरेको छ।

प्रधानमन्त्री मिखाइल मिशुस्टिनले हस्ताक्षर गरेको र आधिकारिक संजालस्थल (वेबसाइट)मा प्रकाशित भएको आदेशमा उक्त कुरा भनिएको छ।

रुसी अधिकारीहरूले “अमित्र देशहरू” लाई रुस विरुद्ध “अमित्रतापूर्ण कार्यहरू गर्ने” भनी ठान्छन्। सूचीमा चेक रिपब्लिक र अमेरिका समेत समावेश थियो।

राष्ट्रपति भ्लादिमिर पुटिनले गत अप्रिलमा हस्ताक्षर गरेको अमित्र देशहरू सम्बन्धी आज्ञा बमोजिम यी देशहरूले दूतावास, वाणिज्य दूतावास र राज्य निकायका प्रतिनिधि कार्यालयहरूका लागि रुसी इलाकामा रहेका कामदारहरू भाडामा लिन सक्ने क्षमतामा सीमित गरिएको छ ।

ग्रीसले ३४ जना, डेनमार्कले २० र स्लोभाकियाले १६ जनालाई मात्र काममा राख्ने सीमा तोकेको छ । स्लोभेनिया र क्रोएसियाले अमेरिकाको जस्तै आफ्नो कूटनीतिक नियोग र दुतावास सम्बन्धि कार्यालयका लागि कर्मचारी भर्ना गर्न सक्ने छैनन भनि सिएनएनले समाचार लेखेको छ ।

सम्बन्धित समाचार

आठ देशका लागि राजदूत नियुक्ति सिफारिस, कुन देशमा कसलाई गरियो…

सुँगुरको मिर्गौला प्रत्यारोपण गरिएका रिचर्डको निधन

कंगनालाई दियो भाजपाले लोकसभा चुनावको टिकट

दिल्लीका मुख्यमन्त्री अरविन्द केजरीवाल पक्राउ