कोरोना विरुद्धको लडाई जित्दै कतार, विभिन्न क्षेत्रका प्रतिबन्ध हट्दै

दोहा – कोरोना विरुद्धको लडाइमा सफलता पाउँदै गइरहेको कतारले विभिन्न क्षेत्रमा लगाएका प्रतिबन्धहरू क्रमशः हटाउँदै गएको छ l कतार सरकारको मन्त्रिपरिषद्को बैठकले आउँदो आइतबार बाट लागु हुने गरी प्रतिबन्ध लाई थप खुकुलो बनाउने निर्णय गरेको हो l यहाँका स्थानीय समाचार माध्यमका अनुसार सीमित क्षेत्र बाहेक अन्य अवस्थामा मास्क लगाउनु नपर्ने भएको छ l

सरकारी निर्णय अनुसार मल, भिडभाड हुने स्थान, अस्पताल तथा विभिन्न सभा समारोह बाहेक मास्कको अनिवार्य प्रयोगलाई हटाइएको छ l फुड कोर्ट तथा होटेलहरू पचास प्रतिशत क्षमतामा खोल्न पाइने छ l सरकारी तथा निजी क्षेत्रका सबै कर्मचारीहरू कार्यालयमै फर्केर काम गर्न सक्नेछ भने संग्राहलय तथा पुस्तकालय पूर्ण रूपमा खुल्ला हुने भएको छ l प्रार्थना लागि सबै मस्जिदहरू खुल्ला हुनेछन् भने सामाजिक दुरी कायम गर्नु पर्ने छैन l

रेल तथा सरकारी सवारी साधन, कम्पनीका बसहरूले पचहत्तर प्रतिशतले यात्रु तथा कामदार बोक्न पाउने छन् भने निजी सवारी साधनमा परिवार बाहेक चालक सहित ४ जना मात्र चढ्न पाइनेछ l सार्वजनिक स्थलहरू क्रोनेच, बिच तथा पार्कहरूमा कोरोना विरुद्धका दुवै डोज लगाएकाहरू तिस जना सम्म भेला हुन् पाइने निर्णयमा उल्लेख गरिएको छ l यस्तै तारे होटेलका हलहरूमा ५० प्रतिशत क्षमतामा मानिस जम्मा हुन् पाइने छ l ७५ % क्षमतामा ड्राइभिङ स्कुलहरू खोल्न पाइने छ l

कतारमा पछिल्लो समय कोरोनाका सङ्क्रमितहरूको सङ्ख्यामा कमी आएको छ भने भ्याक्सिन लगाउनेहरूको सङ्ख्या ८० % भन्दा माथि रहेको छ l कतारमा हाल सम्म २३ लाख ६ हजार ५ सय ५८ जनामा कोरोना पोजेटिभ देखिएको छ भने २३ लाख ४ हजार ६७१ जनाले कोरोनालाई जितेका छन् l कोरोनाका कारण कतारमा कुल ६ सय ५ जनाको मृत्यु भएको छ भने १२ सय ८२ जनाको उपचार चलिरहेको छ l

सम्बन्धित समाचार

नेपाल र चीनबीच  सूचना प्रविधिको क्षेत्रमा  सहकार्य बढाउन जोड

एकता महाधिवेशनमा एनआरएनए अध्यक्षको उम्मेदवारी मनोनयन शुल्क रु ७ लाख

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

नेपाली महिला समाज कतारको आयोजनामा बृहत रक्तदान कार्यक्रम हुदै