जनसवाल समाचार प्रभाव : बौद्धनाथ क्षेत्र बिकास समितिका अध्यक्ष लामाको श्रीमती धनिमायालाई मन्त्रालयद्वारा बर्खास्त

काठमाडौ- संस्कृति ,पर्यटन तथा नागरिक उड्डयन मन्त्रालय अन्तर्गत रहेको बौद्धनाथ क्षेत्र बिकास समितिका पदाधिकारी नियुक्ति र पदको चरम दुरुपयोगको बारेमा जनसवाल रास्ट्रीय दैनिकले पर्दाफास गरेपछि मन्त्रालयले निर्णय बदल्न बाध्य भएको छ ।

समितिमा एकै घरका श्रीमान र श्रीमती पदाधिकारी चयन भएपछि चौतर्फी बिरोध भएको थियो । समितिमा एकैघरका अध्यक्ष राजकुमार लामा र श्रीमती धनीमाया तामाङ सदस्य भएका थिए ।

नितिगत अनियमितता बारे अख्तीयार दुरुपयोग अनुसन्धान आयोग लगाएतका निकायमा उजुरी परेपछि संस्कृति ,पर्यटन तथा नागरिक उड्डयन मन्त्रालयले छानबिन शुरु गरेका थिए ।

सोमबार बसेको मन्त्रीस्तरीय बैठकको निर्णयले सदस्यद्वय धनीमाया तामाङ र कुमार तामाङलाई पदबाट बर्खास्त गर्दै जानुका भण्डारी र श्याम खड्कालाई नया नियुक्ति गरेको छ ।

यस अघि कुमार तामाङ सदस्य रहदा बैठकमा सधै फरक मत राख्दै आउने गरेका थिए । तामाङले नै समितिमा भस्ट्राचार भएको भन्दै अख्तियारमा मुद्दा दर्ता गराएका थिए । तामाङले समितिका अध्यक्ष राजकुमार लामाको कार्यशैली ठिक नभएको र आफुले पटक-पटक मन्त्रालयमा उपस्थित नै भएर अध्यक्ष लामाको मातहतमा काम गर्न नसक्ने जानकारी गराएको बताए ।

तामाङले मन्त्रालयले समितिका अध्यक्षको श्रीमती धनिमायालाई मात्रै हटाएर नहुने जनाउदै अध्यक्ष नै परिवर्तन गर्नुपर्ने बताए ।अन्यथा स्थानियहरुले आन्दोलनमा उत्रने उनले दावी गरे ।

सम्बन्धित समाचार

नेपाल र चीनबीच  सूचना प्रविधिको क्षेत्रमा  सहकार्य बढाउन जोड

एकता महाधिवेशनमा एनआरएनए अध्यक्षको उम्मेदवारी मनोनयन शुल्क रु ७ लाख

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

नेपाली महिला समाज कतारको आयोजनामा बृहत रक्तदान कार्यक्रम हुदै