एनआरएनएका अध्यक्षका प्रत्याशी आरके शर्मा अमेरिका क्षेत्रको भ्रमणमा
गैरआवासीय नेपाली संघ(एनआरएनए)का अध्यक्षका प्रत्याशी राजेन्द्रकुमार(आरके) शर्मा अमेरिका क्षेत्रको भ्रमणमा निस्केका छन।
१६ सेप्टेम्बरको दिन शर्मा क्यानडा पुग्ने तालिका रहेको छ ।
क्यानडामा गैरआवासीय अभियन्ता,सामाजिक तथा राजनीतिक संस्थाका प्रतिनिधिसँग सल्लाह र सुझाव लिने तयारी शर्माको छ । क्यानडापछि शर्माले अमेरिकाको भ्रमण गर्ने छन् । शर्माले १६ तारिकादेखि १८ तारिकसम्म क्यानडामा बिताउने तयारी छ । त्यसपछि १८ तारिकदेखि २० तारिकसम्म अमेरिका गैरआवासीय अभियानलाई अगाडि बढाउन अभियन्ताहरूसँग राय सुझाव लिने योजना छ ।
“अमेरिका क्षेत्रको भ्रमणबाट आउने सुझाव पछि काठमाडौंमा कार्यक्रम गरेर अध्यक्षको उम्मेदवारी दिने छु”शर्माले भने,“अध्यक्षको रूपमा आफूले २ वर्षे कार्यकालमा गर्ने कामको लागि विश्वमा रहेका सबै नेपालीको सुझाव लिएको छु”
शर्माले सामाजिक कामलाई निरन्तरता दिने सहित आर्थिक मुद्दालाई अगाडि बढाउने योजना सहित अध्यक्षको उम्मेदवारीको तयारी गरेका छन् । श्रमिक र काम गर्ने वर्गको हितलाई प्राथमिकता दिएर विश्वभर बस्ने सबै नेपालीलाई अभियानमा जोड्ने तरिका सहितको योजना उम्मेदवारी घोषणा कार्यक्रममा ल्याउने तयारी शर्माको छ ।
“एसिया,युरोप तथा ओसियाना क्षेत्रका गैरआवासीय अभियन्तासँग प्रत्यक्ष भेटेर अध्यक्षको रूपमा मैले गर्नुपर्ने कामको लागि सुझाव लिइसकेको छु”शर्माले भने,“अमेरिका क्षेत्रका अभियन्तासँग भेटेपछि अध्यक्षको रूपमा गर्नुपर्ने कामका लागि सबै क्षेत्रको सुझाव आउँछ । त्यो अनुसार म अगाडि बढ्छु।”
शर्माले यसअघि युरोप,एसिया तथा ओसियाना क्षेत्रको भ्रमण गरिसकेका छन् । सो क्रममा शर्मालाई अभियन्ताहरुले अहिलेसम्म गैरआवासीय अभियानको नेतृत्व मध्यपूर्वले नपाएको भन्दै श्रमिकको एजेण्डा शर्माले लिएको भन्दै सहयोगको प्रतिबद्धता व्यक्त गरेका थिए ।
एनआरएनएको विश्वसम्मेलन अक्टोबरको दोस्रो साता काठमाडौंमा हुने छ । जसले २ वर्षे कार्यकालको लागि नयाँ नेतृत्व चयन गर्ने छ ।
क्याटेगोरी : ग्लोबल
ट्याग : #NRNA
सम्बन्धित समाचार
धेरै पढिएका
- १नेपाली जनसम्पर्क समिति कतारको आयोजनामा बृहत् रक्तदान कार्यक्रम हुदै
- २कतारमा पनि मनाइदै ३०३ औं पृथ्वी जयन्ती
- ३नेपाली जनसम्पर्क समिति कतारले आयोजना गरेको कार्यक्रममा ५२ जना द्वारा रक्तदान
- ४ठकुरी सहयोग संजाल कतारको आयोजनामा रक्तदान कार्यक्रम हुदै
- ५विकासानन्द फाउन्डेसन विश्व परिवारद्वारा कतारमा योग साधना कार्यक्रम हुदै
- ६मगरहरुको प्रमुख राष्ट्रिय चाड माघ्या सकराटी पर्व कतारमा पनि भब्य रुपमा मनाईदै
- ७हर्मोसा ब्युटीपार्लरको दोस्रो वार्षिकोत्सव सप्पन्न
- ८दाङ देउखुरी सेवा समाज कतारले साताै साधारण सभा गर्दै
ताजा अपडेट
- एनआरएनए एकता महाधिवेशनको मिति कुनै पनि हालतमा पर सर्दैन: उच्चस्तरीय समिति
- नेपाल र चीनबीच सूचना प्रविधिको क्षेत्रमा सहकार्य बढाउन जोड
- एकता महाधिवेशनमा एनआरएनए अध्यक्षको उम्मेदवारी मनोनयन शुल्क रु ७ लाख
- कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न
- नेपाली महिला समाज कतारको आयोजनामा बृहत रक्तदान कार्यक्रम हुदै
- ठकुरी सहयोग सञ्जालको वनभोज आज गोकणेश्वरमा हुँदै, अधिकांश शाखाहरूबाट सहभागीता जनाईदै
- प्रवासी भुजेल समाज कतारले पहिलो पटक रक्तदान कार्यक्रमको आयोजना गर्दै
- पत्रकार भण्डारीको उपन्यास बोरा कतारमा बिमोचन
तपाईको प्रतिक्रिया दिनुहोस