वीरगञ्जका मेयर र उपमेयरका समर्थकबीच महानगरका कार्यालयमै कुटाकुट भएपछि…

काठमाडौँ। वीरगञ्ज महानगरपालिकाका मेयर र उपमेयरबीच विवाद बढ्दै जाँदा दुई पक्षका समर्थकबीच कुटाकुट भएको छ ।

पुरानो भवनमा रहेको कोठामा सामाजिक सुरक्षा तथा पञ्जीकरण शाखा सार्ने विषयमा शुरु भएको विवादले उग्र रुप लिँदा आज दिउँसो दुई पक्षबीच हात हालाहाल भएको हो । स्थिति नियन्त्रणमा लिन अहिले महानगर परिसरमा ठूलो संख्यामा सुरक्षाकर्मी परिचालन गरिएको छ ।

कार्यकारी अधिकृतको कार्यालय अर्को भवनमा सरेपछि खाली भएको पुरानो कार्यालय रहेको कोठामा सामाजिक सुरक्षा तथा पञ्जिकरण शाखा सार्ने मेयर राजेशमान सिंहको तयारी थियो । तर, उपमेयर इम्तियाज आलमले सो ठाउँमा आफ्नो कार्यालय राख्नुपर्ने अडान लिएपछि विवाद भएको हो ।

सोही विवाद बढ्दै जाँदा समर्थकहरु कुटाकुटमा उत्रिएको बताइएको छ ।

सम्बन्धित समाचार

नेपाल र चीनबीच  सूचना प्रविधिको क्षेत्रमा  सहकार्य बढाउन जोड

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

नेपाली महिला समाज कतारको आयोजनामा बृहत रक्तदान कार्यक्रम हुदै

प्रवासी भुजेल समाज कतारले पहिलो पटक रक्तदान कार्यक्रमको आयोजना गर्दै