बागलुङको अधिकारी चौरलाई केन्द्रविन्दु बनाएर आज ४ दशमलव ५ रेक्टर स्केलको भूकम्प गयो

दीप संञ्चार कात्तिक १५, २०७६ गते १२:४० मा प्रकाशित

काठमाण्डौ, बागलुङको अधिकारी चौरलाई केन्द्रविन्दु बनाएर आज ४ दशमलव ५ रेक्टर स्केलको भूकम्प गएको छ । म्याग्दी र बागलुङ जिल्लाका पश्चिमी क्षेत्रका विभिन्न गाउँहरूमा आज बिहानै भूकम्पको धक्का महसुस गरिएको छ ।

बिहान ३ बजेर ५१ मिनेटमा बागलुङको अधिकारी चौरलाई केन्द्रविन्दु बनाएर ४ दशमलव ५ रेक्टर स्केलको भूकम्प गएको भूकम्प मापन केन्द्रले जनाएको छ ।
एकाबिहानै भूकम्पको धक्का महसुस भएपछि म्याग्दीको सिवाङ, अर्मन, बाबियाचौर, वरञ्जा लगायतका ठाउँमा एकाबिहानै गएको भूकम्पले स्थानीयवासी त्रसित बनेका छन् ।

त्यसैगरी बागलुङलगायत छिमेकी जिल्ला गुल्मी, प्युठान, रुकुम र रोल्पामा समेत भूकम्पको धक्का महसुस गरिएको जनाइएको छ । भूकम्पबाट कहाँ के कति क्षति भयो भन्ने विवरण भने प्राप्त भइसकेको छैन ।

क्याटेगोरी : समाचार