भन्सार छलेर भारतीय कपडा नेपालमा भित्रिदै

दाङ्ग , भन्सार छली गरेर नेपाल ल्याउदै गरेका कपडा सहित दुई जना भारतीय नागरिक पक्राउ परेका छन् । दाङ्गको कोइलाबास हुँदै नेपाल आउन लागेका ति भारतीय नागरिकलाई ईलाका प्रहरी कार्यालय गढ़वाको टोलीले पक्राउ गरेको हो ।

पक्राउ पर्नेमा भारतको बलरामपुर जिल्ला तुलसीपुर बस्ने बर्ष २० का युसुफ सिद्धीकी र सोही ठाउँ निवासी २५ वर्षका जावेद अहमद सिद्धीकी रहेका छन । जाडो याममा लगाउने उनीका कपडा पञ्जा टोपी र मोजा लिएर आउदै गरेका उनीहरुलाई ईलाका प्रहरी गढवाको गस्ती टोलीले गढवाको जमूनीवासबाट पक्राउ गरेको हो ।

उनीहरुको साथबाट प्रहरीले रा.१.प. ३३८३ नं. को मोटरसाईकल समेत बरामद गरेको छ । भारतीय बजारबाट सस्तो मुल्यमा खरिद गरेर नेपालका दाङ्ग , प्युठान , रोल्पा लगायतका जिल्लामा दोब्बर मुल्यमा बिक्रि गर्ने गरेको प्रहरीले बताएको छ ।

पक्राउ गरीएको सामानको बजार मूल्य भारतीय पैतिस हजार रुपैया बराबरको रहेको र उनीहरुलाई कपडा सहित नेपालगंज भन्सार कार्यालयमा बुझाउने तयारि भैरहेको ईलाका प्रहरी कार्यालय गढ़वाका प्रहरी निरीक्षक भरतसिंह राठौरले बताए ।

सम्बन्धित समाचार

मगरहरुको प्रमुख राष्ट्रिय चाड माघ्या सकराटी पर्व कतारमा पनि भब्य…

ठकुरी सहयोग संजाल कतारको आयोजनामा रक्तदान कार्यक्रम हुदै

कतारमा पनि मनाइदै ३०३ औं पृथ्वी जयन्ती

विकासानन्द फाउन्डेसन विश्व परिवारद्वारा कतारमा योग साधना कार्यक्रम हुदै