प्याबसनको स्थापना कार्यक्रम लमहीमा

दाङ्ग,  निजी तथा आवासिय विद्यालय अर्गनाइजेशन नेपालले आफ्नो २९ औँ स्थापना दिवस आज मंगलवार लमहीमा मनाएको छ । उक्त कार्यक्रममा बोल्ने अधिकांश बक्ताले राज्यले निजि बिद्यालयलाई पनि सामुदायिक बिद्यालय जस्तै ब्यबहार गर्नु पर्ने बताए ।

प्याप्सन दाङका अध्यक्ष रेशमबहादुर बुढाको अध्यक्षतामा सम्पन्न उक्त कार्यक्रमका प्रमुख अतिथि प्याप्सन दाङका केन्द्रिय सदस्य केशव थापाले निजी तथा आवासिय विद्यालयका विद्यार्थीहरुलाई गुणस्तरीय शिक्षा प्रदान गर्न आग्रह गर्दै थापाले विद्यार्थीहरुलाई उत्कृष्ट बनेर आफ्नो निजी विद्यालयको छुट्टै पहिचान स्थापना गर्न प्रेरित गरे ।

कार्यक्रममा प्याप्सन दाङका उपाध्यक्ष मेहन्द्र अधिकारी, लमही नगरपालिका शिक्षा प्रमुख रविन्द्र क्षेत्र, प्याप्सन दाङका वरिष्ठ उपाध्यक्ष मधुसुदन केसी, प्याप्सन दाङका उपाध्यक्ष निर्मल न्यौपाने, सहसचिव विकास रजौरे, घोराही नगर समितिका अध्यक्ष विरेन्द्र चन्द, तुलसिपुर नगर समितिका अध्यक्ष गिरीराज डाँगि, लमही नगर समितिका अध्यक्ष राजु यादव राप्ती गाउँपालिकाका प्याप्सन अध्यक्ष तेजबहादुर विष्ट लगायतले मन्तब्य राखेका थिए ।

कार्यक्रममा देउखुरी क्षेत्रका निजी विद्यालयका विद्यार्थीहरुले लमही बजार परिक्रमा गर्दै उक्त जुलुस लमहीको सार्वजनिक बगैँचामा आएर सभामा परिणत गरिएको थियो । कार्यक्रमको विचामा शैक्षिक कला, खेलकूदहरु विद्यार्थीहरुले प्रर्दशन गरिएको थियो । कार्यक्रमको संचालन ज्योतीष्मतीका प्रिन्सिपल नारायण भुषालले गरेका थिए ।

सम्बन्धित समाचार

नेपाल र चीनबीच  सूचना प्रविधिको क्षेत्रमा  सहकार्य बढाउन जोड

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

नेपाली महिला समाज कतारको आयोजनामा बृहत रक्तदान कार्यक्रम हुदै

प्रवासी भुजेल समाज कतारले पहिलो पटक रक्तदान कार्यक्रमको आयोजना गर्दै