बल्दै गरेको आगोको अगुल्टो श्रीमतीको मलद्वारमा

दाङ्ग,  लमही नगरपालिका वडा नम्बर १ शितलापुर निवासी ६६ बर्षिय मेघ बहादुर सार्कीले बल्दै गरेको आगोको अगुल्टो आफ्नी पचास बर्षिया श्रीमती सोती सार्कीको मलद्वारमा कोचिदिएका छन ।

श्रीमतीले मादक पदार्थ सेवन गरेर गालि गलौच गरेपछि आबेशमा आएर सार्कीले आगोको अगुल्टो मलद्वारमा कोचेको वडा प्रहरी कार्यालय लमहीका प्रहरी निरीक्षक प्रज्वल थपलियाले बताए ।

घरमा कोहि नभएको समयमा यसरि बल्दै गरेको आगोको अगुल्टो मलद्वारमा कोच्दा श्रीमती सोती गम्भीर घाइते भएकी छन् । यो घटना बिहिवार बेलुका ५ बजे घटेको हो । घाइते भएकी आमालाई छोरीले औषधि गर्न लमही अस्पताल ल्याए पछि बल्ल घटना बाहिर आएको हो ।

घाइते सोती सार्कीको लमहीमा सामान्य उपचार पछि राप्ती बिज्ञान प्रतिष्ठान घोराहीमा उपचार भैरहेको छ । जाड रक्सी खाएर आफुलाई तथानाम गाली गलौच गरेकोले डोरीले हात खुट्टा बाधि दिएको र दुई थप्पड मात्र हानेको मेघ बहादुरले प्रहरीलाई बयान दिएका छन ।

तर उनको छोरीले बल्दै गरेको आगोको अगुल्टो आमाको मल्द्वारमा कोचिदिएको बताईन । बुवाले यस्ता गलत हर्कत धेरै पटक गरिसकेको छोरीले बताईन । सामान्य ज्याला मजदुरी गरेर जिबिका चलाएका सार्की परिवारको आर्थिक अवस्था कमजोर भएकोले उपचारमा समस्या भएको छोरीको भनाई छ ।

घटनामा सँलग्न रहेका मेघ बहादुर सार्कीलाई वडा प्रहरी कार्यालय लमहीले नियन्त्रणमा लिएर अनुशन्धान गरिरहेको छ ।

सम्बन्धित समाचार

अन्ततः १४ नोभेम्बर देखि कतारमा पनि ‘पूर्णबहादुरको सारङ्गी’

चर्चित लोक तथा दोहोरी गायिका सम्झना भन्डारी कतारमा

नेपाल व्यवसायी संघ कतारको आयोजनामा नेपालमा लगानीको सम्भावना र चुनौति…

सडक दुर्घटनाको दीगो नियन्त्रणका लागि प्रधानमन्त्री केपी शर्मा ओलीलाई ज्ञापनपत्र