प्रत्येक मधेशीले सेना भएर नेपालको भूमि रक्षा गरेको छः राजेन्द्र महतो

काठमाडौं – जनता समाजवादी पार्टीका अध्यक्ष राजेन्द्र महतोले ५८ वर्षअगाडिसम्म नेपालको नक्सामा रहेको कालापानी, लिपुलेक र लिम्पियाधुरा कसले बेचेको भनेर खोज्ने बेला आएको बताएका छन्।

प्रतिनिधिसभाको शनिबारको बैठकलाई सम्बोधन गर्दै महतोले ५८ वर्ष पहिले नेपालको नक्सामा समोवश भएको भूमि बेच्नेलाई सार्वजनिक गर्न माग गरेका हुन्। ‘५८ वर्षअगाडि नेपाली भूमि कसले बच्यो? त्यसलाई सार्वजनिक गर्नुपर्दैन? स्वेतपत्र जारी गर्नुप¥यो,’ महतोले भने, ‘राष्ट्रघातीहरूलाई टुँडिखेलमा ल्याएर सार्वजनिक गर्नुपर्छ।’

अध्यक्ष महतोले महाकाली सन्धिको विषय उठान गर्दै सत्तारुढ दलका नेताहरूमाथि कटाक्ष गरे। पार्टी फुटाएर महाकाली सन्धि पारित गर्दा महाकाली नदीको मुहार कहाँ थियो भनेर किन नखोजेको भनेर उनले प्रश्न गरे। साथै राष्ट्रियताको सवालमा मधेशीलाई पटक–पटकलाई अग्निपरीक्षा नदिन अध्यक्ष महतोले चेतावनी दिए। ‘प्रत्येक मधेशीले सेना भएर नेपालको भूमि रक्षा गरेको छ,’ उनले भने।

संविधान संशोधनको प्रस्ताव ऐतिहासिक रहेको उल्लेख गर्दै महतोले सारा नेपाली जनताको भावना प्रतिबिम्वित भएको प्रस्तावको पक्षमा आफूहरूले मतदान गर्ने बताए। राष्ट्रियता कसैको एकलौटी नहुने तर्क गर्दै सबैको साझा हो भनेर आत्मसात गर्न पनि उनले आग्रह गरेका छन्।

सम्बन्धित समाचार

मगरहरुको प्रमुख राष्ट्रिय चाड माघ्या सकराटी पर्व कतारमा पनि भब्य…

ठकुरी सहयोग संजाल कतारको आयोजनामा रक्तदान कार्यक्रम हुदै

कतारमा पनि मनाइदै ३०३ औं पृथ्वी जयन्ती

विकासानन्द फाउन्डेसन विश्व परिवारद्वारा कतारमा योग साधना कार्यक्रम हुदै