खस भाषामा सजिएको “खस देउसी भैलो” तिहार गित बजारमा

प्रिया स्मृती गजमेर कात्तिक १३, २०७७ गते ९:४३ मा प्रकाशित

दाङ्ग—लोप हुन् लागेको खस भाषाका संरक्षक तथा लोक दोहोरी गायक कुल बहादुर ओलीले खस भाषाको सांगीतिक कोशेली “खस देउसी भैलो” बोलको गित लिएर बजारमा आएका छन । म्युजिक मस्ती प्रालिको प्रस्तुति रहेको उक्त खस भाषाको तिहार गीतमा खस भाषाका संरक्षक तथा गायक कुल बहादुर ओली, केबी भण्डारी र दिल माया सुनारको स्वर रहेको छ । गायक ओली र जयराम खत्रीको शब्द रहेको छ भने केबी भण्डारीले गीतको एरेन्ज गरेका छन । त्यस्तै गायक ओलीले तिहार गीतको शब्दलाई मिठो संगीत दिएर अझै मिठास बनाएका छन ।

आफ्ना बाबु बाजेले बोल्दै आएको खस भाषा पछिल्लो समय युवा पुस्ताले बिर्सदै गएको भन्दै यसलाई संरक्षण गर्न आवश्यक रहेको गायक ओलीले बताए । आफ्नो रितिरिवाज, धर्म संस्कृति बिर्सन हुन्, म कलाकारिता क्षेत्रमा लागेको नाताले यो खस भाषालाई पनि जगेर्ना गर्नु पर्छ भन्ने लागेको छ उनले भने । म यो आफ्नो मौलिक खस भाषालाई जगेर्ना गर्नु पर्छ भनेर लागि परे पछि धेरै साथीहरुले हौसला पनि दिनु भएको छ, मैले मात्र गरेर हुँदैन सबैले आ—आफ्नो ठाउँबाट सहयोग गर्नु पर्छ भन्दै आग्रह समेत गरेको छु गायक ओलीले भने ।

खास गरि यो खस भाषा साबिकका राप्ती, कर्णाली प्रदेश र सुदुरका केहि जिल्लामा बोल्ने गरिन्छ । रुकुम, रोल्पा, सल्यानमा अझै पनि यो खस भाषा निकै प्रयोग गर्ने गर्दछन । खस भाषाका संरक्षक तथा गायकका अनुशार सबै जिल्लामा यो भाषालाई निरन्तरता दिनु पर्छ अनि मात्र खस भाषाले न्याय पाउनेछ । एकातिर खस भाषालाई जगेर्ना गर्न निकै संघर्ष गरि रहेका छन् भने अर्को तर्फ लोक गित संगीतमा पनि गायक ओलीको त्यतिक्कै देन छ ।

भिडियो हेर्नुहोस :