एनआरएनए निर्वाचन प्रमुखको राजिनामासंगै समिति बिघटन, निर्वाचन कम्तिमा ४ महिना नहुने

अमेरिका – गैरआवासीय नेपाली संघ (एनआरएनए) को १० औं महाधिवेशन र निर्वाचन समयमा हुन नसकेपछि निर्वाचन समिति स्वतह बिघटन हुने ठहर गर्दै निर्वाचन समितिका प्रमुख सहितले राजिनामा दिएपछि समिति नै बिघटन भएको छ।

निर्वाचन समितिका प्रमुख तथा नेपाल बार एशोसियशनका महासचिव समेत रहेका लिलामणी पौडेलले उद्येश्य अनुरुप समयमा निर्वाचन हुन नसकेपछि निर्वाचन समिति पनि स्वतह विघटन हुने ठहर गर्दै राजिनामा दिएका हुन्। निर्वाचन समिति भनेर बनाएको समितिको काम निर्वाचन गराउने हो। यस्तो समिति निर्वाचन सम्पन्न भएपछि र निर्वाचन तोकिएको समयमा सम्पन्न गर्न नसक्दाको या नभएको दुवै अवस्थामा स्वतह हैसियत समाप्त हुन्छ।

७ सदस्य निर्वाचन समितिमा समितिका सदस्य चिरन्जीवी ढकालले यस पहिला नै राजिनामा दिएका थिए। अहिले उनका साथमा गणेश गुरुङ, डा. देवकाजी डंगोलले पनि राजिनामा दिएका छन्। अब बाँकी रहेका रामप्रताप थापा, भुषण घिमिरे र विष्णुमाया परियार छन्। उसै पनि यो समिति स्वतह बिघटन भएकाले इज्जतका लागि पनि उनीहरुले राजिनामा दिनेछन। अन्यथा उनीहरुको इज्जतको औपचारिकता रहँदैन।

गैरआवासीय नेपाली संघको चालु विधान अनुसार निर्वाचनको मिति भन्दा ९० दिन पहिला नै निर्वाचन समिति बनाउनुपर्ने भएकाले अब कम्तिमा पनि ३/४ महिना संघको निर्वाचन नहुने भएको छ।

सम्बन्धित समाचार

नेपाल र चीनबीच  सूचना प्रविधिको क्षेत्रमा  सहकार्य बढाउन जोड

एकता महाधिवेशनमा एनआरएनए अध्यक्षको उम्मेदवारी मनोनयन शुल्क रु ७ लाख

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

नेपाली महिला समाज कतारको आयोजनामा बृहत रक्तदान कार्यक्रम हुदै