एनआरएनएमा किन लाग्यो साइबर क्राइमको आरोप

काठमाडौँ -गैरआवासीय नेपाली संघ (एनआएरएनए)मा साइबर अपराधको आरोप लागेको छ ।

आसन्न निर्वाचनका लागि तयार पारिएको इलेक्ट्रोनिक भोटिङ सिस्टममा अनधिकृत पहुँच राख्न खोजेको भन्दै कुल आचार्य समूहले संस्थापन पक्षविरुद्ध उजुरी गरेको हो ।

गैरआवासीय नेपाली संघका प्रतिनिधिले त्यसबारे अनुसन्धान गरिदिन भन्दै साइबर ब्यूरोमा निवेदन दिएको ब्यूरोका एसएसपी नविन्द अर्यालले  बताए । अर्यालले भने– ‘हामी त्यो निवेदन विश्लेषण गर्दै छौं ।’ आचार्य समूहले विद्युतीय मतदान प्रक्रियामा संस्थापन समूहले अनधिकृत पहुँच राखेर ‘फर्जी मत’ हाल्न सक्ने आचार्य समूहको चिन्ता छ । अनुसन्धानपछि यथार्थ थाहा हुने एसएसपी अर्यालले बताए ।

गैरआवासीय नेपाली संघ (एनआरएनए) को २०७८ कात्तिक ६–८ मा काठमाडौंमा हुने भनिएको १० औं महाधिवेशन तथा विश्व सम्मेलन सरेको थियो । महाधिवेशनका लागि प्रतिनिधि चयनमा देखिएको विवाद मिलाएर महाधिवेशन गर्न परराष्ट्र मन्त्रालयले भनेपछि २०७८ फागुन १६ भित्र महाधिवेशन गर्ने तयारी छ ।

सम्बन्धित समाचार

नेपाल र चीनबीच  सूचना प्रविधिको क्षेत्रमा  सहकार्य बढाउन जोड

एकता महाधिवेशनमा एनआरएनए अध्यक्षको उम्मेदवारी मनोनयन शुल्क रु ७ लाख

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

नेपाली महिला समाज कतारको आयोजनामा बृहत रक्तदान कार्यक्रम हुदै