एनआरएनए अमेरिका ओहायो च्याप्टरले मनायो वनभोज कार्यक्रम

काठमाडौँ – गैरआवासीय नेपाली संघ ओहायो च्याप्टरद्वारा अमेरिकास्थित बल्याकलिक उड्स मेट्रो पार्कमा पहिलो पटक वनभोज तथा नेपाली संस्कृति झल्किने विभिन्न मनोरञ्जनात्मक कार्यक्रम भब्यताका साथ सम्पन्न भएको छ।

सो कार्यक्रममा ओहायोका विभिन्न शहरबाट विभिन्न संघसंस्थामा आबद्ध नेपाली र नेपाली भाषिहरूको उल्लेख्य उपस्थिति थियो। उक्त कार्यक्रम कमिटीका सबै सदस्यहरूको सहयोग र अध्यक्ष मोहन न्यौपानेको निर्देशनमा च्याप्टरका कोषाध्यक्ष होता राम विश्वकर्मा र सह-सचिब लोकेन्द्र प्रशाद देबकोटाले संचालन गरेका थिए ।

कार्यक्रममा च्याप्टरका उपाध्यक्ष अबिचन्द्र दहालले स्वागत मन्तब्य राखेका थिए । त्यस्तै, एनआएनए युएसए एनसीसीका उपाध्यक्ष गोपेन्द्र भट्टराईले एनआएनए युएसए एनसीसीको महत्व तथा भईरहेका गतिविधिको बारेमा प्रष्ट पारेका थिए ।

आर्थिक संयोजनमा च्याप्टरका सदस्य डिल्ली केरूङ र सचिव रिद्दि खड्का खटिएका थिए भने अन्य सहयोगीको रूपमा च्याप्टर महिला संयोजक बिनिता आचार्य , सदस्य हरिहर दहाल र अन्य संगठनका शुभचिन्तकहरू क्रमसः , सन्तोषी खड्का, निर्मला लुईटेल, देबका कडेल, एलिशा ढकाल र सागर चापागाईंले महत्त्वपूर्ण भुमिका खेलेका थिए ।

कार्यक्रमलाई मनोरञ्जनात्मक बनाउन आरति शर्मा र अनुष्का शर्माले नृत्य प्रस्तुत गरेका थिए भने स्थानीय गायक हस्त देवले गित प्रस्तुत गरेका थिए । साथै अनुज दहाल र ओएसिस न्यौपानेले विशेषगरी बच्चाहरूलाई केन्द्रित गरि विभिन्न खेल खेलाएका थिए । कार्यक्रममा ड्रयागन एक्सप्रेस किचेनले स्वादिष्ट भोजन उपलब्ध गराई सहयोग गरेको थियो भने संगठनका शुभचिन्तक बिक्रम तामाङले फोटोग्राफर गरी सहयोग गरेका थिए ।

अन्त्यमा च्याप्टरका अध्यक्ष न्यौपानेले नृत्य र गायनमा भाग लिने र खेल संयोजन गर्ने सबैलाई पुरस्कार बितरण गरेका थिए भने सचिव रिद्दि खड्काले आफ्नो मन्तब्य राख्दै कार्यक्रम समापन गरेका थिए ।जनतापाटि

सम्बन्धित समाचार

नेपाल र चीनबीच  सूचना प्रविधिको क्षेत्रमा  सहकार्य बढाउन जोड

एकता महाधिवेशनमा एनआरएनए अध्यक्षको उम्मेदवारी मनोनयन शुल्क रु ७ लाख

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

नेपाली महिला समाज कतारको आयोजनामा बृहत रक्तदान कार्यक्रम हुदै