गैर–आवासीय नेपाली संघ (एनआरएनए) यूकेको कार्यसमितिमा हालै विकसित घटनाहरु नयाँ चरणमा पुगेको छ ।
अध्यक्ष प्रेम गाहा मगरद्धारा श्रृङखलाबद्द रुपमा अवैधानिक गतिविधि भएको र संघलाई एकलौटी ढंगले अघि बढाएर संकटमा फसाएको भन्दै कार्यसमितिको ७५ प्रतिशत सदस्यहरुले एक संयृुक्त प्रेस वक्तव्य जारी गरेका छन् । उक्त प्रेस वक्तव्यसंगै आज अगस्ट ६ मा गर्ने भनिएको साधारण सभा स्वतः रद्द भएको छ ।
गत अगस्ट ५ को दिन कार्यसमितिका पुरै ६ जना उपाध्यक्षहरु, महासचिव, सचिव, कोषाध्यक्ष, सहकोषाध्यक्षलगायत अन्य दश जना सदस्यहरु र चारमध्ये तीन वटा राज्यपरिषदका अध्यक्षहरुले सामुहिक रुपमा प्रेस वक्तव्य प्रकाशित गर्दै अध्यक्ष प्रेम गाहा मगरको विरुद्द ऐक्यवद्दता जनाएका छन् ।
अध्यक्ष लगायतका ३३–सदस्यीय कार्यसमितिमा अहिले सचिव नम्रता घले, सदस्यहरु विशाल राई, चेतन राना र आफूद्धारा मनोनित को–अप सदस्यहरु हितकाजी गुरुङ, आवेश राई र ज्ञाञ्जू लामा मौन रहेका छन् भने प्रवक्ता भरतमणी लिम्बू, युवा संयोजक अनिल मल्ल र सदस्य चम्पा थापा मगर मात्रै प्रेम गाहा मगरको पक्षमा खुलेर लागेका छन् ।
कार्यसमितिका प्रभावशाली सदस्यहरुमध्ये सचिव ज्ञानेन्द्र आले भने मगर संघ यूकेको डरको कारण प्रेस वक्तव्यमा हस्ताक्षर गर्न मानेनन् ।
त्यस्तै, महिला संयोजक बिमला लिम्बू नेकपा माआवादी केन्द्रनिकट आफ्नो संगठन नेपाली जनप्रगतिशील मञ्च यूकेको महासचिव भएको र अध्यक्ष मानबहादुर गुरुङको दवावको कारण हस्ताक्षर अभियानमा भाग नलिएको बुझिएको छ । तर दुवै पदाधिकारीहरुले प्रेस वक्तव्यमा त्यसरी हस्ताक्षर नगरेपनि आज अगस्ट ६ शनिबार हुने भनिएको साधारण सभामा आफूहरुले भाग नलिने बताएका छन् ।
क्याटेगोरी : ग्लोबल, गल्फट्याग : #breaking,
#NRNA,
#गैर–आवासीय नेपाली संघ
