एनआरएनए युवा उपाध्यक्षमा रोशन थापाद्वारा पुन: उम्मेदवारी

गैरआवासीय नेपाली संघ (एनआरएनए) को युवा उपाध्यक्षमा रोशन थापाले पुन उम्मेदवारी घोषणा गरेका छन ।

थापालाई युवा उपाध्यक्षमा दोहोर्‍याउन धेरै एनआरएनए अभियन्ताहरु सकारात्मक देखिन्छन ।थापाले युवा उपाध्यक्षमा दोहोरिने इच्छा देखाएपछि एनआरएनए अभियन्ताहरुले सहयोग गर्ने प्रतिबद्धता जनाएका हुन ।संघको एघारौं महाधिवेशन आगामी अक्टोबरमा हुँदैछ।

विगत लामो समयदेखि जापान र अफ्रिकालाई आफ्नो कर्मथलो बनाएका थापा अनुभवी र सम्भावना बोकेका एनआरएनए युवा मानिन्छन ।
२ दशकअघि अध्ययनका लागि जापान पुगेका थापा अहिले सफल व्यावसायी बन्न सफल भएका छन ।
थापाले जापानको एडवा विश्वविद्यालयबाट आइटी म्यानेजमेन्टमा मास्टर डिग्री हासिल गरेका छन । उनी अटो मोबाइल र रियलस्टेट व्यवसायी समेत हुन ।
थापाले जापानमा इन्स्योरेन्स क्षेत्रमा पनि लगानी गरेका छन। नेपालमा हाइड्रो तथा आइटी क्षेत्रमा समेत थापाको लगानी रहेको छ।

थापासँग यसअघि एनआरएनए ताम्जिनियाको दुई कार्यकाल अध्यक्ष गरेको अनुभव पनि छ । उनले एनआरएनए अफ्रिकी क्षेत्रको संयोजक समेत भएर काम गरिसकेका छन ।
छोटो समयमै विश्वभर आफ्नो लोकप्रियता कमाएका थापाले युवा उपाध्यक्षमा दोहोरिने घोषणा गरेपछि एनआरएनएमा चुनावी चहलपहल शुरु भएको छ ।

सम्बन्धित समाचार

नेपाल र चीनबीच  सूचना प्रविधिको क्षेत्रमा  सहकार्य बढाउन जोड

एकता महाधिवेशनमा एनआरएनए अध्यक्षको उम्मेदवारी मनोनयन शुल्क रु ७ लाख

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

नेपाली महिला समाज कतारको आयोजनामा बृहत रक्तदान कार्यक्रम हुदै