पत्रकार महासंघ कतार शाखाको कार्यक्रम तयारी पूरा

 दोहा, नेपाल पत्रकार महासंघ कतार शाखाले आयोजना गर्न लागेको साँस्कृतिक एवं प्रशिक्षण कार्यक्रमको तयारी पूरा भएको छ । बुधबार बसेको महासंघ कतारको आन्तरिक बैठक पछि संस्थाका अध्यक्ष करिम बक्सँ मियाँले उक्त जानकारी दिएका हुन् । मियाँका अनसार कलाकार द्वय उदय सोताङ र मनिला सोताङ तथा प्रशिक्षक विपुल पोख्रेल आगमी ११ जुनमा कतार आउनकालागि भिषा, टिकट, होटल लगाएत सम्पूर्ण तयारी समेत पूरा भएको छ ।

शाखाले कतारमा सामाजिक गतिवीधि र समाजसँंग जोडिएका बिषयहरुमा अन्तरकृया तथा खबरदारि कार्यक्रमहरु गर्दै आईरहेको भएपनि विषेश प्रशिक्षण एवं साँगितिक कार्यक्रम भने पहिलो पटक गर्न लागेको हो । आगामी १४ जुनका दिन कतारको सनैया स्थीत अल डल्ला ड्राईभिङ सेन्टरको सभाहलमा उपस्थीती भइ कार्यक्रमलाई भव्य रुपमा सफल पारिदिन शाखाले सबैलाई आग्रह गरेको छ ।

उक्त दिन कार्यक्रम दुईभागमा विभाजन गरिएको छ । कार्यक्रमको पहिलो भागमा “सुचना प्रवाह, व्यबस्थापन तालिम तथा सचेतना कार्यक्रम” राखिएको छ । स्थानीय समयअनुसार सोहि हलमा बिहान ठिक १० बजे देखि दिनको ३ बजेसम्म तालिम एवं प्रमाणपत्र वितरण हुनेछ । ३ बजे पछि लगतै सोहि हलमा “उदयमनिला सोताङ युगल साँस्कृतिक साँझ २०७६” सुरु हुनेछ । उक्त कार्यक्रममा उदयमनिला सोताङ युगल जोडिले कतारबासी नेपालीजनहरुलाई मिठा मिठा गितले भरपुर मनोरञ्जन दिलाउने छन् । साथै कार्यक्रमका लागी आयोजकले विभिन्न तहका टिकट पनि उपलब्ध गराएको छ, जसमा पारिवारिक तर्फ २०० बढीमा ३ जना , प्रथम तर्फ १००, मध्यम तर्फ ५० कतारी रियल शुल्क लाग्ने छ ।
हाल सम्म उक्त कार्यक्रमलाई सफल पार्न दोहा वासी विभिन्न संघसस्थाँ, समाजसेवी एवं हरेक तह र तप्कामा रहेका नेपालीहरुबाट पनि सहयोग उपलब्ध भईरहेको छ । कार्यक्रमलाई नेपाली कला केन्द्र कतार, अन्तराष्ट्रिय नेपाली साहित्य समाज कतार, नवोदित साहित्यिक बाचनालय कतारले सह–आयोजकको भुमिका निर्वाह गरिरहेको छन् ।

सम्बन्धित समाचार

एकता महाधिवेशनमा एनआरएनए अध्यक्षको उम्मेदवारी मनोनयन शुल्क रु ७ लाख

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

नेपाली महिला समाज कतारको आयोजनामा बृहत रक्तदान कार्यक्रम हुदै

ठकुरी सहयोग सञ्जालको वनभोज आज गोकणेश्वरमा हुँदै, अधिकांश शाखाहरूबाट सहभागीता…