अमेरिकी सिनेट वार्ता जारी रहँदा तल्लो सदनले व्यापक बन्दुक सुधार संपुष्टि (प्याकेज)पारित गरेको छ ।
अमेरिकामा बिगत केही हप्ताहरुमा भएका गोलीकाण्ड र नरसंहारमा बिधार्थीहरु सहित कैयौको ज्यान गएकोले बन्दुक राख्न पाउने अधिकार र उमेर सम्बन्धमा व्यापक सुधार गरिनु पर्छ भन्दै अमेरिकी तल्लो सदनले पारित गरेको छ ।
अमेरिकामा सांसद र सिनेटरहरुलाई व्यापक दबाब भएता पनि बन्दुक सुधारमा रिपब्लिकनहरु भने सहानुभूति मात्रै प्रकट गर्ने तर यसलाई संसोधन गर्ने पक्षमा तल्लो सदनमा भएको मतदानमा पनि देखिएको छ ।
गत बुधबार भएको मतदानमा २२३-२०४ ले सदनमा बन्दुक सुधार व्यापक संपुष्टि ९प्याकेज०पारित गरेको छ । केही मुट्ठीभरका रिपब्लिकनहरुमा इलिनोइसका जन प्रतिनिधि एडम किन्जिङ्गर, ओहायोका एन्थोनी गोन्जालेज, पेन्सिलभेनियाका ब्रायन फिट्जप्याट्रिक, न्यु योर्कका क्रिस ज्याकब्स र मिशिगनका फ्रेड अप्टन–ले प्रस्तावलाई समर्थन गरे। तर दुई डेमोक्र्याटहरू मध्ये मेनका प्रतिनिधि जेरेड गोल्डन र ओरेगनका कर्ट श्राडरले हुदैन भन्नेमा मतदान गरे ।
दैनिक मानिसहरुको ज्यान गइ रहदा ,अमेरिकामा त्यत्रो गोलीकाण्डको पछिल्लो घटना टेक्ससको युभाल्ड़ीमा १९ जना बिधार्थी र २ शिक्षकहरुको ज्यान गएता पनि अर्ध स्वचालित राइफल खरिद गर्न १८ बर्ष उमेरबाट २१ बर्ष बढाउनु पर्छ भनि सदनमा राखिएको प्रस्तावमा रिपब्लिकनहरुको झिनो सहयोग रहेको देखिएको छ ।
गत बुधबार संसदमा ११ बर्षिय बाचेकी बालिका सहित बफेलो शहर तथा युभाल्डीका पीडित तथा अन्यले घटनाको बारेमा जानकारी दिंदा प्रतिनिधिहरु भावुक बन्न पुगेका थिए ।
गत संसदमा भएको छलफलमा हाम्रा बच्चाहरुलाई सुरक्षित गरौ अर्थात् ‘प्रोटेक्ट आवर किड्स एक्ट ” लाई तल्लो सदनले पारित गरेको छ । अमेरिकी सभामुख न्यान्सी पेलोसीले पारित भएको जानकारी गराएकी थिइन । माथिल्लो सदन अर्थात् सिनेटबाट यो पारित भएमा मात्र यो कानुन बन्नेछ ।
क्याटेगोरी : अन्तराष्ट्रिय समाचार, अमेरिका
