प्रदेश नम्बर ३ को रक्तदान सम्पन्न, दाताहरुको उत्साहजनक उपस्थिति

दीप जङ्ग शाह भदौ १३, २०७६ गते १६:२१ मा प्रकाशित

दोहा, सम्पूर्ण नेपालीको चाहना, शान्त समृद्ध नेपालीको परिकल्पना भन्ने मुल नाराका साथमा दोहामा कृयाशिल रहेको प्रदेश नम्बर ३ समन्वय परिषद कतारले रक्तदान कार्यक्रम शुक्रवार हमाद मेडिकल कर्पोरेशनको रंगत बैंकको कक्षमा सम्पन्न गरेको छ ।

सर्वोत्कृष्ट जीवन : शाश्वत चिन्तनको मातृत्वमा मानवसेवा आश्रम (मानवता प्रवर्द्धन महाअभियान) कतार च्याप्टर संयोजक रामजी खत्री र महासचिव हुमा पोखरेलबाट रक्तदान कार्यक्रमको शुभारम्भ भएको थियो । आयोजकका तर्फबाट परिषदका प्रथम उपाध्यक्ष विष्णु भण्डारीबाट शुरुवात गरेको रक्तदान कार्यक्रममा कतारमा रहेको १ सय पाँच जनाको सहभागिता मध्ये स्वास्थ्य परिक्षणपछि ८० जनाले रक्तदान गरेका थिए ।

२० जना भन्दा धेरै महिला दाताहरुको सहभागिता रहेको कार्यक्रम पछि सञ्चार कर्मिहरुसंग बोल्दै परिषदका अध्यक्ष समीर खत्रीले रंगतको अभावमा कसैको अकालमा मृत्यु नहोस भन्ने हेतुले आयोजना गरेको यस कार्यक्रममा उत्साहजनक उपस्थिति रहेकाेमा खुसि ब्यक्त गर्दै उपस्थित सम्पूर्ण प्रति कृतज्ञता व्यक्त गरे । खत्रिले भने, ‘हामी निरन्तर सामाजिक सेवामा छौं, र यो यात्रामा सहकार्य गर्ने सबै प्रति नमन एवं आभार व्यक्त गर्दछु ।’