कोरोना अपडेट : युएईमा एक नेपालीको मृत्यू, आज मात्रै थप २७७ जना नयाँ संक्रमित

युएई – युनाइटेड अरब इमिरेट्स (युएई) मा सोमबार कोरोना भाईरसबाट २७७ जना नयाँ संक्रमित भेटिएको युएइ सरकारको आधिकारिक ट्विट मार्फत डा. अल होसनीलाई उदृत गर्दै जानकारी दिईएको हो।

यो सँगै युएईमा संक्रमितको संख्या दुई हजार ७६ पुगेको छ । आज स्वास्थ्य लाभ गर्नेको सख्या २३ रहेको छ यो सँगै स्वास्थ्यलाभ गर्नेको संख्या १६७ जना पुगेको छ । साथै सोमबार १ जनाको मृत्यु भएको छ । यो सँगै मृतकको संख्या ११ पुगेको छ ।

यूएईको दुबईमा घरेलु कामदारको रुपमा काम गर्ने ४० वर्षीय एक महिलाको कोरोना भाइरस संक्रमणबाट मृत्यु भएको छ । देवदह–६ बुटवलकी ती महिलाले पेट दुख्यो, मुटु दुख्यो भन्दै आफन्तलाई जानकारी गराएकी थिइन्।

‘उहाँमा पहिलेदेखि नै मुटुको समस्या थियो। तीन दिन अगाडि नै पेट दुखेको भन्दै अस्पताल जानुभएको थियो। अस्पतालले औषधि दिएको थियो। बिहीबार राति पनि एकदमै पेट दुखेको भन्‍नुभएको थियो’, मृतकका नजिकका आफन्तले भने, ‘शुक्रबार बिहान १० बजेसम्म नउठेपछि घरमालिकले नै ढोका फोरेर हेर्दा मृत अवस्थामा फेला पारेका थिए । अस्पतालले उनलाई शुक्रबार नै मृत घोषणा गरेको थियो। तर, रिपोर्ट आइसकेको थिएन। शवलाई प्रहरी आएर लिएर गएको थियो।’

दुबईस्थित अल रफ्फा प्रहरी चौकीले महिलाको मृत्यु कोरोना संक्रमणबाट भएको स्वास्थ्य प्रतिवेदन सोमबार आफन्तलाई उपलब्ध गराएको हो। उनी १० वर्षदेखि दुबईमा कार्यरत थिइन्। पछिल्लो समयमा उनी वरदुबईस्थित एक भारतीय नागरिकको घरमा काम गर्दै आएकी थिइन्।

हाल सम्म यूएईमा कोरोना भाइरस (कोभिड-१९) बाट ११ जना नेपालीहरु संक्रमित भैसकेका छन् । ११ जना संक्रमित मध्ये २ जना उपचार पछि निको भैसकेको र बाँकी ९ जना सामान्य स्थितिमा उपचार भैरहेको युएई स्थित नेपाली दूतावासले जनाएको छ ।

सम्बन्धित समाचार

दुतावासद्वारा राहदानी नवीकरण तथा निशुल्क स्वास्थ्य शिवरि सम्पन्न

महासंघद्वारा नेपाल व्यवसायी संघ कतारलाई वैदेशिक सदस्यता प्रदान

नेपाल व्यवसायी संघ कतारको आयोजनामा नेपालमा लगानीको सम्भावना र चुनौति…

नेपाल आदिवासी जनजाति महासंघ, युएईको ऐतिहासिक वार्षिक साधरण सभा सम्पन्न