पोखराका प्रेम गुरुङको कुवेतमा मृत्‍यु

कुवेत -पोखरा घर भई कुवेतमा कार्यरत प्रेम(कुमार) गुरुङको हृदयघातको कारण मृत्‍यु भएको छ।उनको  आज जुलाई १४, २०२०-मंगलबारका दिन मृत्‍यु भएको हो।

मृतक गुरुङसंगै कार्यरत एक नेपालीले भने”कुवेतको अल मिश्रिफ कार वास कम्पनीमा सवारी चालकका रुपमा कार्यरत कुमार नामले चिनिने प्रेम गुरुङको आज बिहान मृत्‍यु भएकोमा हामी धेरै दुखी छौं । आज बिहान करिब ८:०० बजे डिउटी पुगेर सबै संगै बसी खाजा खायौ। त्यस पछी बसेकै कुर्सिमा उहाँ ढल्नु भयो । अनी हामीले एम्बुलेन्स बोलायौं, अस्पताल पुर्याउदा त उहाँको मृत्‍यु भैसकेको बताइयो।” उनले थपे, “खास प्रेम दाईलाई केही समय देखी प्रेसरको रोगले च्यापेको थियो। उहाँ केही समय देखी झोक्राएर बस्नुहुन्थ्यो, धेरै बोल्नु हुँदैन थियो ।”

नेपाली राजदूतावास कुवेतकी दितिय सचिव जानकी ओझाले भनिन्, “प्रेम गुरुङको मृत्‍युको सम्बन्धमा प्रारम्भिक जानकारी दूतावासलाई आईसकेको छ। उनको मृत्‍युको कारण र अन्य विवरण भने आउन बाँकी छ। हामीले मृतकको परिवारसंग समन्वय गरेर कानुनी प्रकृयाका कामहरू अगाडि बढाउन शुरु गरी सकेका छौ।”

बिगत १६ वर्ष देखी कुवेतमा काम गर्दै आएका करिब ५१ बर्षिय मृतक प्रेम गुरूङको घरमा श्रीमती र एक छोरा रहेका छन्।

सम्बन्धित समाचार

हर्मोसा ब्युटीपार्लरको दोस्रो वार्षिकोत्सव सप्पन्न

दुतावासद्वारा राहदानी नवीकरण तथा निशुल्क स्वास्थ्य शिवरि सम्पन्न

महासंघद्वारा नेपाल व्यवसायी संघ कतारलाई वैदेशिक सदस्यता प्रदान

नेपाल व्यवसायी संघ कतारको आयोजनामा नेपालमा लगानीको सम्भावना र चुनौति…