जापानमा बस्ने २० नेपालीलाई कोरोना बीमा भुक्तानी

रासस –

जापानमा नेपाली तथा विदेशीहरूका लागि केन्द्रित भई सञ्चालन गरिएको मिराई लाइफ इन्सुरेन्सले २० नेपालीलाई कोरोना सुविधा भुक्तानी गरेको छ ।

सो इन्सुरेन्सका अनुसार जापानका विभिन्न क्षेत्रमा रहेका नेपाली तथा विदेशीमा बढ्दो कोरोना सङ्क्रमणमा परेका र अफ्नो संस्थामार्फत बीमा भएका नेपालीहरूलाई सुविधा भुक्तानी गरेको हो । गत अगष्ट महिनामा मात्र २० जनालाई कोरोना सङ्क्रमण सहयोग रकम सुविधा भुक्तानी गरेको इन्सुरेन्स जापानका निर्देशक कमल अधिकारीले जानकारी दिए ।

प्रतिव्यक्ति करिब ७० हजार येनदेखि दुई लाख येनसम्म दाबी भुक्तानी गरिएको निर्देशक अधिकारीले जानकारी दिए । अगष्ट महिनामा मात्र मिराई लाइफले २४ लाख २० हजार येन रकम सुविधाबापत भुक्तानी गरेको हो । आठ जनाले बेसिकतर्फ सात लाख ४० हजार तथा १२ जनाले प्रिमियम सुविधा १६ लाख ८० हजार येन रकम भुक्तानी गरिएको हो । करिब एक वर्षयता जापानमा नेपाली तथा विदेशीहरूका लागि स्वास्थ्य तथा जीवन बीमा सेवा सुरु भएयता करिब ३५ लाख येन रकम दाबी भुक्तानी गरेको जनाइएको छ ।

हालसम्म बीमा सुविधा दाबी गर्नेहरूमा ८० प्रतिशत कोरोना सङ्क्रमितहरू छन् भने बाँकी अस्पताल भर्ना भएका तथा शल्यक्रिया गरेकाहरू छन् । यता सेप्टेम्बर महिना लागेसँगै करिब नौ जनाले कोरोना सङ्क्रमण भएको जानकारी गराउँदै बीमा सुविधाका लागि दाबी गर्ने तयारी गरेका छन् । मिराई लाइफ इन्सुरेन्सले जापानमा सबैभन्दा धेरै खर्च हुने स्वास्थ्य जोखिम जस्तै अस्पताल भर्ना हुँदा दैनिक १० हजार (एक मान० येन, कुनै पनि शल्यक्रियाको ६० हजार ९६ मान० येन तथा अस्पतालबाट डिस्चार्जपछि २० हजार ९२ मान० येन सुविधा प्रदान गर्ने गरेको छ । यस्तै मृत्यु हुँदा २० लाख ९२०० मान) येन परिवारलाई प्रदान गर्ने सुविधा राखेको छ । यस्तै कोरोना सङ्क्रमितहरूका लागि पनि अस्पतालमा भर्ना भए सरहको सुविधा प्रदान गर्ने गरेको छ ।

सम्बन्धित समाचार

नेपाली जनप्रगतिशील मञ्च जापानको अध्यक्षमा मोहन पौडेल निर्वाचित

जापानको चन्द्रमा मिसन किन सूर्यको किरण पर्खिरहेको छ ?

उपाध्यक्ष रेग्मीले थाले एनआरएनए भित्रको विवाद मिलाउने पहल, निर्वाचन जितेका…

जापान र दक्षिण कोरियामा गर्मीले बेहाल, हालसम्म १५ जनाको मृत्यु