हिन्दु देवताको चित्र बनाउने मुस्लिम युवती

मानिसका सौखले गर्दा आजकल धेरै ठाउँमा अचम्म अचम्म खाल्का कुराहरु घटी रहेका हुन्छन्। अहिले विश्वमा धेरै धर्मका बिषयमा विवाद चलिरहेका बेलामा उदाहरण बनेकी छिन् भारतकी एक मुस्लिम युवती।

भारतको केरला राज्यको कोझिकोड महानगरपालिका निवासी मुस्लिम युवती जासना सलीम त्यस्ती युवती हुन्, जसले आफ्नो सौख पुरा गर्न आफू मुस्लिम भएर पनि हिन्दु धर्म र संस्कारमा पुजिने देवताहरुका मुर्ती बनाउने काम गर्दै आएकी छिन्।

उनलाई सबैभन्दा मनपर्ने तस्विर भगवान श्रीकृष्णको रहेको छ। २८ वर्षीया मुस्लिम युवती जासना सलीम विगत ६ वर्षदेखि लगातार आफ्नो रहर मेट्न कृष्ण लगायतका हिन्दु देवदेवीहरुको चित्र बनाइरहेकी छिन्।

उनले आफूले बनाएका त्यस्ता चित्र कृष्ण मन्दिरमा चढाउने समेत गर्छिन। हालै जासनाले आफूले बनाएको चित्र ८० वर्ष पुरानो मन्दिर, उलानाडू श्रीकृष्ण स्वामी मन्दिर केरलामा चढाएकी छिन्।

उनका लागि श्रीकृष्णको अनुहार प्रेरणादायीको अनुहार छ। उनलाई श्रीकृष्णको अनुहार अत्यन्त मनमोहक समेत लाग्ने गर्छ। उनले सबैभन्दा पहिले बनाएको कृष्णको तस्विरमा श्रीकृष्णका हात बाँधिएका बनाएकी थिइन्।

त्यसपछि उनले श्रीकृष्णले मख्खनको भाँडोमा हात हालेको तस्विर देखिन् त्यसपछि उनले त्यस्तै चित्र बनाउन सुरु गरिन्। एजेन्सी

सम्बन्धित समाचार

अन्ततः १४ नोभेम्बर देखि कतारमा पनि ‘पूर्णबहादुरको सारङ्गी’

चर्चित लोक तथा दोहोरी गायिका सम्झना भन्डारी कतारमा

नेपाल व्यवसायी संघ कतारको आयोजनामा नेपालमा लगानीको सम्भावना र चुनौति…

सडक दुर्घटनाको दीगो नियन्त्रणका लागि प्रधानमन्त्री केपी शर्मा ओलीलाई ज्ञापनपत्र