रक्सी खाएर सर्वसाधरणलाई धम्क्याउने नेपाली सेनाका मेजर बर्खास्त

काठमाडौँ -नेपाली सेनाका एक जना सेनानी ९मेजर० बर्खास्त भउका छन् । मादक पदार्थ सेवन गरेर सर्वसाधारणसँग अपशब्द बोलेको र दुर्व्यवहार गरेको अभियोगमा ती मेजरलाई बर्खास्त गरिएको हो ।

नेपाली सेनाको सुदूरपश्चिम पृतना तालिम शिक्षालय, गोरङ्गेका मेजर अशोकजंग शाहीलाई जनरल सैनिक अदालतले सेवाबाट हटाउने आदेश दिएको हो। सैनिक ऐन, २०६३ विपरितको गतिविधि गरेकाले भविष्यमा सरकारी सेवाका लागि अयोग्य नहुने गरी उनलाई सेवाबाट हटाउने आदेश भएको बताइएको छ ।

सैनिक ऐनमा जनरल सैनिक अदालत र समरी जनरल सैनिक अदालतबाट फैसला वा अन्तिम आदेशमाथि चित्त नबुझे पीडित पक्षले ३५ दिनभित्र पुनरावेदन दिने सक्ने व्यवस्था छ ।

मादक पदार्थ सेवन गरेर ब्यारेकबाट बाहिर निस्किएका शाहीले २५ असोजमा राति कैलालीको चिसापानीस्थित हर्कबहादुर रावलको होटलमा जबरजस्ती प्रवेश गरेर धम्क्याएका थिए । रावलले उनलाई होटल बन्द भइसकेको भन्दै रोक्न खोजेका थिए तर उनले आफू सेनाको मेजर भएको बताउँदै धम्क्याएका थिए ।

त्यहाँबाट ब्यारेकतिर फर्किएका मेजर शाही निजी गाडीमा राति नै हतियारसहितको सैनिक लिएर चिसापानी बजार गएका थिए । र, होटल सञ्चालकलाई ठीक पार्ने भन्दै हिँडेका थिए । त्यसपछि आक्रोशित भिडले उनी सवार गाडीमा तोडफोड गरेको थियो भने मेजर शाहीलाई जिल्ला प्रहरी कार्यालय, कैलालीले नियन्त्रणमा लिएको थियो ।

घटनाबारे छानविनका लागि जंगीअड्डाले ‘कोर्ट अफ इन्क्वायरी’ गठन गरेर अनुसन्धान थालेको थियो । एक जना महासेनानीको अध्यक्षतामा गठित समितिले छानविन गरेर उनी दोषी रहेको निष्कर्ष निकालेको थियो ।

त्यसको आधारमा सहायक रथी कृष्णबहादुर जिसीको अध्यक्षतामा गठिन समरी जनरल सैनिक अदालतले शाहीलाई बर्खास्त गर्ने आदेश सुनाएको हो ।

सम्बन्धित समाचार

अन्ततः १४ नोभेम्बर देखि कतारमा पनि ‘पूर्णबहादुरको सारङ्गी’

चर्चित लोक तथा दोहोरी गायिका सम्झना भन्डारी कतारमा

नेपाल व्यवसायी संघ कतारको आयोजनामा नेपालमा लगानीको सम्भावना र चुनौति…

सडक दुर्घटनाको दीगो नियन्त्रणका लागि प्रधानमन्त्री केपी शर्मा ओलीलाई ज्ञापनपत्र