गलत नजरले हेरेको निहुँमा कान्छा लामा ‘जीवन’ को हम्मरले हानेर हत्या

काठमाडौंको नयाँ बजारमा ३५ वर्षका कान्छा लामा ‘जीवन’ को हत्या भयो ।

वैशाख २८ मा नयाँ बजारको विष्णुमति पुल नजिकै रहेको ४० वर्षीया गायत्री नगरकोटीको डेरामा हत्या गरिएको प्रहरीको अनुसन्धानबाट थाहा भएको छ ।

हत्यापछि विष्णुमति खोलामा फालिएको उनको शव जेठ ५ मा दक्षिणकाली नगरपालिका–१ स्थित पावर हाउस नजिक फेला परेको थियो । मूलपानी बस्दै आएका कान्छा लामा सिन्धुपाल्चोक जुगलका स्थानीय हुन् ।

हत्यामा संलग्न आरोपमा प्रहरीले २ जनालाई पक्राउ गरेको छ । पक्राउ पर्नेमा मकवानपुर घर भएका ठोकर कान्छा भन्ने कान्छामान ठोकर र ललितपुरको गोदावरी नगरपलिका–६ घर भएकी ४० वर्षीया गायत्री नगरकोटी छिन् ।

कान्छामान ठोकर, गायत्री नगरकोटी र मकवानपुर घर भएका दिपक वाइवा तामाङ मिलेर ‘जीवन’को हत्या गरेको अनुसन्धानबाट खुलेको काठमाडौं उपत्यका अपराध अनुसन्धान कार्यालयका एसपी कृष्ण कोइरालाले रातोपाटीलाई बताए ।

मदिरा सेवन गर्दा विवाद हुँदा ३ जना मिलेर उनको हत्या गरेको थाहा भएको छ । गायत्री नगरकोटीलाई गलत नजरले हेरेको निहुँमा ‘जीवन’ लाई आक्रमण गरेको आरोपीहरुले प्रहरीलाई बताएका छन् । टाउकोमा हम्मरले हानेर हत्या गरेपछि म्याट्रिस र तन्नाले बेरेर उनीहरुले जीवनको शव विष्णुमती खोलामा बगाएको अनुसन्धानबाट थाहा भएको छ । हत्यामा संलग्न मध्येका दिपक वाइवा तामाङ फरार छन् । ।

सम्बन्धित समाचार

प्रवासी भुजेल समाज कतारले पहिलो पटक रक्तदान कार्यक्रमको आयोजना गर्दै

पत्रकार भण्डारीको उपन्यास बोरा कतारमा बिमोचन

दाङ देउखुरी सेवा समाज कतारले साताै साधारण सभा गर्दै

मगरहरुको प्रमुख राष्ट्रिय चाड माघ्या सकराटी पर्व कतारमा पनि भब्य…