एनआरएनएद्वारा रु १२ लाख ८७ हजार भन्दा बढी रकम राष्ट्रिय आविष्कार केन्द्रलाई सहयोग हस्तान्तरण

गैरआवासीय नेपाली संघले राष्ट्रिय आविष्कार केन्द्रलाई १२,८७,५८०.४८ (बार्‍ह लाख सतासी हजार पाँचसय असी रुपैयाँ अठ्चालिस पैसा) हस्तान्तण गरेको छ।

गैर आवसीय नेपाली संघका कार्यकारी अध्यक्ष कुल आचार्यले राष्ट्रिय आविष्कार केन्द्रका अध्यक्ष डा। महावीर पुनलाई सो रकम बराबरको चेक हस्तान्तण गर्नुभयो।

कार्यक्रममा बोल्दै डा। महावीर पुनले एनआरएनएले राष्ट्रिय आविष्कार केन्द्रलाई सहयोग गरेकोमा आभार प्रकट गर्नुभयो। विदेशबाट ९२ देखि ९४ प्रतिशत सामान नेपालमा आयात हुँदा धेरै रकम विदेशमा जाने भएकाले त्यसको ५ प्रतिशत नेपालमा उत्पादन गर्न सके देशको व्यापार घाटा कम हुने , देशको राजस्व वृद्धि हुने र रोजगारीको सृजना हुने बताउनुभयो।

त्यस्तै राष्ट्रिय आविष्कार केन्द्र कुनै एक क्षेत्रमा मात्र नभई पालिका, प्रदेशमा खोलिनुपर्ने जोड दिनुभयो।

त्यस्तै गैर आवासीय नेपाली संघले पनि आविस्कार केन्द्रको स्थापना गरी नयाँ प्रतिभावान व्यक्तिहरूलाई प्लाटफर्म दिन सक्ने उनले थपे।

मन्तव्यको क्रममा एनआरएनए कार्यकारी अध्यक्ष कुल आचार्यले गैर आवासीय नेपाली संघले कमिटमेन्ट गरेको रकम हस्तान्तरण गर्न पाउँदा सिंगो गैर आवासीय नेपाली खुसी भएको बताए। त्यस्तै विदेशमा सिकेको ज्ञान ,सीप र लागानी नेपालमा हस्तान्तण गर्न राष्ट्रिय आविष्कार केन्द्र जस्ता ठाउँहरू उपयुक्त रहेको उनको ठहर छ त्यस्तै एनआरएनएले पवित्र मन बोकेको राष्ट्रिय आविष्कार केन्द्रलाई हरदम सहयोग गर्न तयार भएको बताए। रकम हस्तान्तरण कार्यक्रमलाई संघका उपाध्यक्ष महेश श्रेष्ठले स्वागत र सञ्चालन एनआरएनए युरोप संयोजक चिन्तामणि सापकोटाले गरेका थिए। सो अवसरमा संघका युरोप युवा संयोजक रमेश काफ्ले एनआरएनए पोर्चुगलका महासचिव राजकुमार थापा लगायत संघका विभिन्न देशका पदाधिकारी र सदस्यहरु, पत्रकार, व्यवसायीहरुको उपस्थिति थियो ।

सम्बन्धित समाचार

अन्ततः १४ नोभेम्बर देखि कतारमा पनि ‘पूर्णबहादुरको सारङ्गी’

चर्चित लोक तथा दोहोरी गायिका सम्झना भन्डारी कतारमा

एनआरएनए आइसिसि बैठकद्वारा बाढीपीडितलाई सहयोग गर्ने र एनआरएनए डे मनाउने…

दुतावासद्वारा राहदानी नवीकरण तथा निशुल्क स्वास्थ्य शिवरि सम्पन्न