टेक्टरको ठक्करबाट दाङ्गमा एक स्कुले बालिकाको मृत्यु

दाङ्ग, टेक्टरको ठक्करबाट दाङको तुलसीपुरमा एक विद्यार्थीको ज्यान गएको छ भने एक जना घाइते भएका छन् ।

बिहीबार बिहान तुलसीपुर ५ गोदामघर नजिकै टेक्टरले ठक्कर दिंदा तुलसी आवासिय माबि कक्षा ८ मा अध्ययनरत १२ बर्षीया बिजिता केसीको ज्यान गएको प्रहरीले बताएको छ ।

रा १ त १४३५ नम्बरको टेक्टरले ठक्कर दिदा गम्भीर घाईते भएकी तुलसीपुर ७ शिवनगर निवासी केसीको राप्ती प्रादेशिक अस्पताल तुलसीपुरमा उपचारको क्रममा ज्यान गएको जिल्ला प्रहरी कार्यालय दाङले जनाएको छ । उनको टाउकोमा गम्भीर चोट लागेको थियो ।

साथै टेक्टरको ठक्करबाट सोही विद्यालयमा अध्ययनरत १४ बर्षीया मनिषा वली घाईते भएकी छिन् । वलीको बाया हातमा चोट लागेको छ । उनको राप्ती प्रादेशिक अस्पताल तुलसीपुरमा उपचार भईरहेको छ । ठक्कर दिने टेक्टर र चालकलाई प्रहरीले नियन्त्रणमा लिएको छ ।

सम्बन्धित समाचार

नेपाल र चीनबीच  सूचना प्रविधिको क्षेत्रमा  सहकार्य बढाउन जोड

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

नेपाली महिला समाज कतारको आयोजनामा बृहत रक्तदान कार्यक्रम हुदै

प्रवासी भुजेल समाज कतारले पहिलो पटक रक्तदान कार्यक्रमको आयोजना गर्दै