खेलाडीलाई जर्सी, ब्याट्स र बल प्रदान

दाङ्ग, लमही स्थित रहेको सिभिल बैंक शाखा कार्यालयले देउखुरी क्रिकेट क्लबका खेलाडीहरुलाई जर्सी प्रदान गरेको छ ।

लमही शाखाका प्रबन्धक सौरभ न्यौपानेले अन्डर १६ का कोच अर्जुन बस्नेत र टिम म्यानेजर कमल ओलीलाई १५ हजार बराबरको बाह्र वटा जर्सी हस्तान्तरण गरेका हुन् ।

खेलाडीहरुको मनोबल बढाउन ति जर्सिहरु प्रदान गरेको शाखा प्रबन्धक न्यौपानेले बताए । त्यस्तै खेलप्रेमी झलक सिंह रसाईलीले पनि ६ हजार बराबरको क्रिकेट ब्याट्स र बल खेलाडीहरुलाई प्रदान गरेका छन् ।

त्यस्तै क्रिकेट खेलाडी राजबिर सिंहले ट्राभिलिंग जर्सी प्रदान गरेका छन् । यहि माघ ६,७ र ८ गते काठमाण्डौमा १६ बर्ष मुनिका खेलाडी बीच नेशनल टुनामेन्ट खेल हुदैछ सो खेलमा देशैभरका १६ वटा टिम सहभागी हुने छन् ।

उक्त खेलमा देउखुरी क्रिकेट क्लबका तर्फबाट विनायक डाँगीको कप्तानीमा खेल खेल्ने छन् । सोहि खेलमा सहभागी हुनका लागि सोह्र जना खेलाडी आज शनिवार काठमाण्डौ प्रस्थान गरेका छन् । टिमको कोचमा अर्जुन बस्नेत रहेका छन् ।

सम्बन्धित समाचार

नेपाल र चीनबीच  सूचना प्रविधिको क्षेत्रमा  सहकार्य बढाउन जोड

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

नेपाली महिला समाज कतारको आयोजनामा बृहत रक्तदान कार्यक्रम हुदै

प्रवासी भुजेल समाज कतारले पहिलो पटक रक्तदान कार्यक्रमको आयोजना गर्दै