गुणस्तरीय शिक्षा प्रदानमा प्रदेश सरकारको चासो

दाङ्ग, गत बर्षको माध्यामिक शिक्षा परिक्षा (एसईई) को परिक्षामा हद भन्दा धेरै बिद्यार्थीहरुले डी ग्रेड ल्याएको भन्दै अध्ययन र अध्यापनलाई सुधार गरेर गुणस्तरीय शिक्षा प्रदान गर्न प्रदेश ५ को सरकारले चासो देखाएको छ ।

यसैबीच गणित तथा बिज्ञान बिषयको नतिजा सुधार अभियान अन्तर्गत बिषय शिक्षकहरुको १ दिने कार्यशाला देउखुरीको लमहीमा सम्पन्न भएको छ । कार्यक्रममा बोल्दै प्रदेश नम्बर ५ सामाजिक बिकाश मन्त्रालयका उपसचिव केशब अर्यालले अहिले सम्म पनि गणित र बिज्ञान बिषयमा विद्यार्थीहरुले सोचेको जस्तो नतिजा ल्याउन नसकेको, देश समृद्धिको यात्रामा रहेको बेला शिक्षाको नतिजा भने जस्तो नआउनु दुखद भएको बताए ।

प्रदेश नम्बर ५ सामाजिक बिकाश मन्त्रालयले जिल्लाको तुलसीपुरमा रहेको सामाजिक बिकास डिभिजन कार्यालय मार्फत यो कार्यक्रम संचालन गरेको हो । उनका अनुशार यो अभियानले समस्या पत्ता लगाउने र समाधानको उपाय पनि खोज्न मद्धत गर्ने बताए ।

एसईइको परिक्षामा हद भन्दा पनि धेरै संख्यामा डि ग्रेड ल्याएकोले विद्यार्थीको जीवन झन अन्धकार हुने भएकोले यो कुरालाई मन्त्रालयले चासोका साथ लिएको अर्यालले बताए । यो कार्यक्रम प्रदेश ५ का सबै जिल्लामा संचालन गरिने भएको छ ।

यस अघि दाङ्गको घोराही र तुलसीपुर कार्यक्रम भैसकेको छ । लमही नगरपालिकाका प्रमुख कुल बहादुर केसीले विद्यार्थीलाई कस्तो शिक्षा दिने र कस्तो बनाउने भन्ने शिक्षकमा भर पर्ने बताए । विद्यार्थीलाई असल शिक्षा दिनका लागि शिक्षक र विद्यार्थीको दुरि सामीप्यता हुनु पर्ने भन्दै समाज रुपान्तरण गर्ने दायित्व शिक्षक कै भएकोले कत्ति पनि कन्जुस्याइँ नगर्न आग्रह गरे ।

त्यस्तै लमही नगरपालिकाका उपप्रमुख देवका बेल्बासेले विद्यार्थीहरुलाई पनि नयाँ तरिकाबाट पठन पाठन गराएर उनिहरुको बौद्धिक बिकासको लागि प्रेरित गर्न आबश्यक भएको बताईन । बुधवार लमहीमा आयोजना गरिएको गणित तथा बिज्ञान बिषयको नतिजा सुधार अभियान कार्यक्रममा देउखुरीका चारवटै स्थानिय तह अन्तर्गतका सामुदायिक बिद्यालयका बिषयगत शिक्षकहरुको सहभागिता रहेको थियो ।

सामाजिक बिकास डिभिजन कार्यालय तुलसीपुर दाङ्गका निमकान्त आचार्यको अध्यक्षता तथा लमही नगरपालिकाका प्रमुख कुल बहादुर केसीको प्रमुख आतिथ्यतामा सम्पन्न भएको हो ।

आदर्श माध्यामिक बिद्यालय देउपुरका प्रधानाध्यापक शिवहरी पोखरेलको स्वागत मन्तब्य रहेको कार्यक्रमको संचालन रुद्रमणी खरेलले गरेका थिए ।

सम्बन्धित समाचार

अन्ततः १४ नोभेम्बर देखि कतारमा पनि ‘पूर्णबहादुरको सारङ्गी’

चर्चित लोक तथा दोहोरी गायिका सम्झना भन्डारी कतारमा

नेपाल व्यवसायी संघ कतारको आयोजनामा नेपालमा लगानीको सम्भावना र चुनौति…

सडक दुर्घटनाको दीगो नियन्त्रणका लागि प्रधानमन्त्री केपी शर्मा ओलीलाई ज्ञापनपत्र