लिस्बन – पोर्चुगलले युरोपमै कोरोना रोकथाम र उपचारमा उल्लेख्य प्रगति गरेतापनि पछिल्लो समयमा राजधानी लिस्बन नयाँ संक्रमितहरुको हट्स्पट बनेको छ। पछिल्लो एक महिनाको तथ्यांक हेर्दा पोर्चुगलमा फेला परेका नयाँ संक्रमितहरुको दैनिक ६३ प्रतिशत देखि ९२ प्रतिशत बिरामीहरु लिस्बनमा मात्रै छन्।
कोरोना रोकथामका लागि प्रधानमन्त्री एन्तोनियो कोस्ताले लिस्बनको निश्चित क्षेत्रका लागि आज आज नयाँ उपायहरू घोषणा गरेका छन्।
प्रधानमन्त्रीले आज सोमबार लिस्बन र भेल डो टेजो क्षेत्रमा कोविड -१९ प्रकोपको बढ्दो सामना गर्न र हालैका दिनमा भइरहेको अवैध जमघट रोक्नका लागि नयाँ उपायहरूको घोषणा गरेका छन्।
एन्टोनियो कोस्टाले लिस्बनका सिन्ट्रा, अमाडोरा, लुरेस, ओडिभलास र लिस्बन लगायत पाँच नगरपालिकाहरूमा विपत्तिको स्थिति जारी रहने बताएका छन् ।
मन्त्रिपरिषद्ले एक डिप्लोमा अनुमोदन गर्नेछ जसले भेलाहरूको निगरानी र सडकमा सुरक्षा बलको उपस्थितिलाई सुदृढ पार्नेछ ।
नयाँ नियम अनुसार “सार्वजनिक स्वास्थ्यका लागि ठूलो जोखिम” भएका माथि उल्लेखित ५ वटा नगरपालिकामा भेलामा बढीमा १० जना व्यक्तिको सीमा लगाईएको छ।
कोरोना रोकथामका लागि कानुनमा भएको नयाँ नियम परिवर्तनका अनुसार सुरक्षा अधिकारीहरुले नियम उल्लङ्घन गर्दै भेला आयोजना गर्नेहरुलाई मात्रै नभएर भेलमा सहभागी हुनेहरुलाई समेत जरिवाना गरिनेछ।
नयाँ नियम अनुसार वाणिज्यिक प्रतिष्ठानहरूको खुल्ने समय समेत परिवर्तन हुनेछ। मंगलबारदेखि सबै वाणिज्य प्रतिष्ठानहरू बेलुकीको ८ बजे नै बन्द हुनुपर्नेछ, फाइन डाइन रेष्टुरेन्टहरूको हकमा यो नियम लागु हुनेछैन तर कोरोना रोकथामका लागि सरकार र स्वास्थ्य मन्त्रालयद्वारा निर्देशित अन्य नियमहरु अवलम्बन गरेको हुनुपर्नेछ।
सेवा क्षेत्रमा मदिराको बिक्रीलाई निषेध गरिएको छ। सार्वजनिक स्थान र सडकमा मदिराको सेवनमा प्रतिबन्ध लगाइएको छ ।
शपिंग सेन्टरहरूमा सतर्कतालाई अझ सुदृढ गरिएको छ। शपिंग सेन्टरहरूको प्रवेश द्वारमा ग्राहकहरुको संख्या मात्रै नियन्त्रण गरिनुका साथै सर्कुलेसनमा समेत नियन्त्रण गरिनु पर्नेछ ।
निर्माण क्षेत्रमा कामदारहरूका निरीक्षण र नियन्त्रण गरिनुका साथै यातायात सर्किटहरूको पनि सुदृढ गरिनेछ।
यी नियमहरु मंगलबार मध्यरातीबाट लागु हुनेछन्। -जिएनएन
क्याटेगोरी : समाचारट्याग : #breaking
