राष्ट्रपति भण्डारीद्वारा समसामयिक विषयमा छलफल गर्न शीर्ष नेताहरूको बैठक आह्वान

काठमाण्डौ – राष्ट्रपति विद्यादेवी भण्डारीले समसामयिक विषयमा छलफल गर्नका लागि शीर्ष नेताहरूको बैठक आह्वान गरेकी छिन्।

राष्ट्रपति कार्यालयका अनुसार भण्डारीले बुधबार साँझ ५ बजे उपराष्ट्रपति, प्रधानमन्त्री तथा विभिन्न दलका नेताहरूसँग छलफल गर्न लागेकी हुन्।

छलफलमा उपराष्ट्रपति नन्दबहादुर पुन, प्रधानमन्त्री केपी ओली, राष्ट्रियसभाका अध्यक्ष गणेशप्रसाद तिमिल्सिना, प्रतिनिधिसभाका सभामुख अग्निप्रसाद सापकोटासहित विभिन्न राजनीतिक दलका प्रमुखहरूलाई आमन्त्रण गरिएको छ।

‘नेपालको अतिक्रमित भूमि लिम्पियाधुरा, लिपुलेक र कालापानीसहितको नक्सा जारी गरेपछिको परिवेश, कोभिड–१९ प्रकोप लगायत पछिल्ला राजनीतिक घटनाक्रममाथि छलफल हुन लागेको हो,’ राष्ट्रपतिको सचिवालयले भन्यो।

सचिवालयका अनुसार पछिल्ला राजनीतिक घटनाक्रममा राष्ट्रिय एकता कायम गर्ने तथा देशमा कोभिड-१९ प्रकोपले उत्पन्न परिस्थितिका सन्दर्भमा पनि छलफल हुनेछ।

‘सम्माननीय राष्ट्रपतिज्यू, अभिभावकीय दायित्वअनुसार विभिन्न समयमा विभिन्न क्षेत्रका शीर्ष नेतृत्वसँग छलफल गरिरहनु भएको हुन्छ, त्यसैको निरन्तरताका रुपमा यो छलफललाई लिन सकिन्छ,’ सचिवालय स्रोतले भन्यो।

सम्बन्धित समाचार

नेपाल र चीनबीच  सूचना प्रविधिको क्षेत्रमा  सहकार्य बढाउन जोड

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

नेपाली महिला समाज कतारको आयोजनामा बृहत रक्तदान कार्यक्रम हुदै

प्रवासी भुजेल समाज कतारले पहिलो पटक रक्तदान कार्यक्रमको आयोजना गर्दै