अफ्रीकाका नेपालीमाझ कोरोना संक्रमण- २२ मध्ये १ को मृत्यु, बाँकी उपचाररत

जोहान्सवर्ग, दक्षिण अफ्रीका- दक्षिण अफ्रीकामा कोरोना संक्रमितको संख्या ५ लाख नाघेको छ। अफ्रीका महादेशका ५४ देशमध्ये दक्षिण अफ्रीका कोरोना संक्रमणबाट सबैभन्दा नराम्रोसंग प्रभावित देश हो।

अमेरिका, ब्राजिल, रुस र भारतपछि कोरोनाबाट सबैभन्दा प्रभावित देशमध्ये दक्षिण अफ्रीका पाँचौ देश हुनपुगेको छ। दक्षिण अफ्रीकाका स्वास्थ्यमन्त्री स्कुविजिनाए मैकिनिजेले आज सोमबारमात्रै कोरोना संक्रमणका १०,१०७ नयाँ केश सार्वजनिक भएको बताएका छन। जुन आजसम्मै सबैभन्दा उच्च संख्या हो। योसंगै दक्षिण अफ्रीकामा कोरोना संक्रमितको संख्या ५ लाख ३ हजार २९० पुगेको छ भने ८ हजार १५३ जनाको कोरोनाका कारण मृत्यु भएको छ।

कोरोना संक्रमणबाट दक्षिण अफ्रीकामा एकजना नेपालीको पनि मृत्यु भएको छ। जोहान्सवर्गमा कार्यरत पाँचथर झापाका ३४ बर्षका युवा नियालसन बोखिम लिम्बुको निधन भएको हो। उनको मृत्यु कोरोनाको कारणले भएको अस्पताल श्रोतले पुष्टि गरेको छ। उनी वाशिङ्ग पाउडर बनाउने कारखानामा सेक्युरिटी सुपरभाइजरको रुपमा कार्यरत थिए ।

हालसम्म अफ्रीकामा २२ जना नेपाली नागरिकहरुमाझ कोरोना संक्रमण देखिएको छ भने संक्रमितमध्ये ११ जनाको उपचार भैरहेको छ। संक्रमितमध्ये १० निको भई फर्किईसकेका पनि छन। कोरोना संक्रमित हुनेहरुमा साउथ अफ्रिका, नाइजेरिया, इजिप्ट र आइभोरी कोस्टमा रहेका नेपाली नागरिकहरु रहेको खबर नाईजेरिया लेगोसमा बसोबास गर्दैआऊनुभएका गैरआवासिय नेपाली संघ एनआरएनएका पूर्वकोषाध्यक्ष एवं एनआरएनए भाषा साहित्य तथा सम्पदा समितिका अध्यक्ष हिक्मत थापाले जानकारी गराऊनुभएको छ।

सम्बन्धित समाचार

अन्ततः १४ नोभेम्बर देखि कतारमा पनि ‘पूर्णबहादुरको सारङ्गी’

चर्चित लोक तथा दोहोरी गायिका सम्झना भन्डारी कतारमा

नेपाल व्यवसायी संघ कतारको आयोजनामा नेपालमा लगानीको सम्भावना र चुनौति…

सडक दुर्घटनाको दीगो नियन्त्रणका लागि प्रधानमन्त्री केपी शर्मा ओलीलाई ज्ञापनपत्र