बेलायतमा संक्रमित संख्या बढ्दै, आजैबाट तीन तहको लकडाउन शुरु

लन्डन — बेलायतमा कोरोना संक्रमितको संख्या पछिल्लो २४ घन्टाभित्र २० हजारको हाराहारीमा पुगेको छ । ‘डिपार्टमेन्ट अफ हेल्थ एण्ड सोशल केयर’ ले दिएको जानकारीअनुसार बिहीबार बेलायतमा थप १९ हजार ७ सय २४ जना नयाँ संक्रमित थपिएका हुन् ।

हिजो बुधबार सार्वजनिक संख्याभन्दा आज संक्रमित हुनेको संख्या साढे दुई हजारले बढी छ । योसँगै बेलायतमा कोरोनाबाट संक्रमित हुनेको संख्या ६ लाख ५४ हजार ६ सय ४४ पुगेको छ । गएको २४ घन्टामा २ लाख ६४ हजार भन्दा बढीको पीसीआर परीक्षण गरिएको स्वास्थ्य विभागले जनाएको छ ।

यसैगरी कोरोना संक्रमणका कारण २४ घन्टाभित्र थप एक सय ३७ जनाको मृत्यु भएको छ । मृतक संख्या भने अघिल्लो दिनको तुलनामा ७ जनाले कम छ । बुधबार एक सय ४३ जना कोरोना संक्रमितको मृत्यु भएको थियो । पछिल्ला दुई दिनयताको मृतक संख्या विगत ४ महिनायताकै सबैभन्दा बढी हो । बेलायतमा हालसम्म कोरोना संक्रमणबाट मृत्यु हुनेको संख्या ४३ हजार १ सय ५५ पुगेको छ ।

यसैगरी हस्पिटलमा भर्ना हुने कोरोना संक्रमितको संख्या पनि निरन्तर बढ्दै गएको छ । पछिल्लो २४ घन्टामा थप ६ सय ८० जना कोरोनाका बिरामी हस्पिटल भर्ना भएका छन् । यो संख्या हिजोको तुलनामा दुई दर्जन भन्दा बढी हो । बेलायतका हस्पिटलमा अहिले ४ हजार ६ सय ५० जना कोरोना संक्रमित उपचारार्थ भर्ना भएका छन् । यसैगरी भेन्टिलेटर बेडमा उपचार गराउनेको संख्या पनि बढेर ५ सय १६ पुगेको छ ।

कोरोना संक्रमणको दर तीव्र हुँदै गएपछि इंग्ल्याण्डमा आजैदेखि तीन तहको प्रतिबन्ध लागू भएको छ । संक्रमणको जोखिमलाई मूल्यांकन गर्दै मध्यम, उच्च र अति उच्च (टियर वान, टु एण्ड थ्री) तीन तहमा वर्गीकरण गरेर लकडाउन सम्बन्धि नियम लागू गरिएको छ । बेलायती प्रधानमन्त्री बोरिस जोन्सनले उक्त घोषणा गर्दै राष्ट्रव्यापी लकडाउन नगरिने संकेत दिएका हुन् ।

मध्यम जोखिम भएका स्थानहरुमा हाल जारी लकडाउन सम्बन्धि नियमहरु ‘रुल अफ सिक्स’ अर्थात् घर बाहिर र घरभित्र ६ जनासम्म भेला हुन पाइने, पब, बार तथा रेस्टुरेन्टहरु राति १० बजेभित्र बन्द गर्नुपर्नेछ । उच्च जोखिम भएका स्थानमा हाल जारी नियमका साथै आफ्नो परिवार बाहेकका अन्य मानिससँग भेटघाट गर्न प्रतिबन्ध लगाइएको छ । अति उच्च जोखिम भएका स्थानमा भने पब, बार, रेस्टुरेन्टलगायत हस्पिटालिटी क्षेत्रहरु बन्द गरिनेछन् । तर पसल, स्कुल तथा विश्वविद्यालय भने खुल्ला रहनेछन् ।

सम्बन्धित समाचार

नेपाली महिला समाज कतारको आयोजनामा बृहत रक्तदान कार्यक्रम हुदै

प्रवासी भुजेल समाज कतारले पहिलो पटक रक्तदान कार्यक्रमको आयोजना गर्दै

पत्रकार भण्डारीको उपन्यास बोरा कतारमा बिमोचन

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

नेपाली महिला समाज कतारको आयोजनामा बृहत रक्तदान कार्यक्रम हुदै

प्रवासी भुजेल समाज कतारले पहिलो पटक रक्तदान कार्यक्रमको आयोजना गर्दै

पत्रकार भण्डारीको उपन्यास बोरा कतारमा बिमोचन

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

नेपाली महिला समाज कतारको आयोजनामा बृहत रक्तदान कार्यक्रम हुदै

प्रवासी भुजेल समाज कतारले पहिलो पटक रक्तदान कार्यक्रमको आयोजना गर्दै

‹›