सन्दिपको “ओक्कल दोक्कल” चर्चाको शिखर चुम्दै

प्रिया स्मृती गजमेर कात्तिक १३, २०७७ गते १२:४९ मा प्रकाशित

दाङ्ग—दाङ्गको उर्बर भूमिमा जन्मिएका लोक तथा दोहोरी गायक सन्दिप न्यौपाने जो केहि समय यता निकै चर्चित बन्दै आएका छन । उनले संख्यात्मक हिसाबले थोरै गित गाएका छन ।

केहि समय अघि उनले स्वर दिएको लालुमै बोलको गित बाट उनि एकाएक चर्चाको शिखरमा पुगेका हुन । उनले गायन संगै शब्द र अभिनयमा समेत आफ्नो कला प्रदर्शन गर्दै आएका छन ।

पछिल्लो समयका युवा पुस्तामा सन्दिप मुटुको ढुकढुकी बनेका छन । बालक देखि बृद्द सम्मले अहिले उनलाई चिन्ने गर्दछन ।लालुमै बोलको गीतले स्रोताको मन जितेका सन्दिपले फेरी “ओक्कल दोक्कल” बोलको गित लिएर स्रोता सामु आएका छन ।

उक्त गितमा गायक सन्दिप र साहिमा श्रेष्ठको आवाज रहेको छ भने गायक आफैले शब्द लेखेका छन । गीतको कम्पोज र एरेन्ज गोविन्द मधुर आचार्यले गरेका छन ।

यो गीतले पनि छोटो समयमा युटुबमा दोस्रो स्थान पाउन सफल भएको छ । द कार्टुन्ज क्रिउ नामक युटुब च्यानलबाट सार्बजनिक भएको एक हप्तामै ७ लाख ५५ हजार ७ सय २१ जनाले हेरी सकेका छन ।

बालापनको झल्को दिने खालका शब्द समाबेश गरिएको छ । बालपनमा आफु संग दौतरी मिल्ने संगी साथिसंग खेल्दा प्रयोग हुने बोलि ओक्कल दोक्कल शब्दलाई टपक्कै टिपेर गायकले गीतमा उतारेका छन् ।

बालापनको झल्को आउने खालका शब्द भएको कारण सबैले मन पराएको गायक न्यौपानेको भनाई छ । स्रोताले अत्याधिक मन पराएको यस गित ट्रेण्डिङ एकमा पर्न सक्ने प्रवल सम्भावना रहेको छ । भिडियो हेर्नुहोस :