‘उडायो सपना सबै हुरीले……’

प्रिया स्मृती गजमेर साउन ४, २०७६ गते १७:२३ मा प्रकाशित

दाङ, राजपुर गाउपालिकाको वडा नम्बर १ को माररीखोला अत्यन्तै बिकट बस्ति हो । सोहि बस्तीमा एक सामान्य आर्थिक स्थिती भएका सुनार परिवारको बसोबास । घर खर्च चलाउन गाह्रो भएपछी दुवै लोग्ने स्वास्नीको सल्लाह बमोजिम भिम कुमारीका श्रीमान् धन कमाउन विदेश लागे ।

सानो झुप्रो, धेरै पैसा कमाएर ठुलो महल बनाउने सपना थियो उनीहरुमा तर सोचेको भन्दा धेरै फरक भैदिएको छ । बिकटको बस्ति, गर्मीयामको सिजन, भौगोलिक बनावट नै फरक प्रकृतीको, न टेलिफोनले राम्रो संग काम गर्छ न त भनेको बेला एम्बुलेन्स र दमकल पुग्छ त्यो बस्तीमा । राजपुर गाउपालिका वडा नम्बर १ माररीखोला निवासी भिम कुमारी सुनारले गर्मीले आकुल ब्याकुल भएका बेला टेबलमा रहेको पंखा चलाउन खोजिन उक्त पंखाले सितलता प्रदान गर्नुको साटो झन् गर्मि हुने गरि तनाब सिर्जना गरायो ।

भिम कुमारीले हेर्दा हेर्दै घर जलेर खरानी भयो तर उनले आफ्नो ८ बर्षिया छोरी बाहेक अरु केहि बचाउन सकिनन् । घरको आर्थिक स्थिति दयनीय थियो नै अब त्यो पनि रहेन ।

पंखा चलाउन खोज्दा बिधुतको तार सर्ट भएर आगो निस्कियो । खरले छाएको घर, हेर्दा हेर्दै आगोले एकै छिनमा स्वाहा बनायो । भिम कुमारीले हेर्दा हेर्दै घर जलेर खरानी भयो तर उनले आफ्नो ८ बर्षिया छोरी बाहेक अरु केहि बचाउन सकिनन् । घरको आर्थिक स्थिति दयनीय थियो नै अब त्यो पनि रहेन । सानो परिवारलाई सुखी बनाउने सपना बोकेर भिम कुमारीका श्रीमान् विदेश गएको पनि भर्खर हो । यता घरमा आगलागी भएको खबरले सुनेका श्रीमान पनि बेचैनी बनेका छन् । साहु कर्जा गरेर धन कमाउन विदेश गएका श्रीमानलाई घरको नराम्रो खबर सुनेपछि नराम्रो लाग्नु स्वाभाविक हो । गहभरि आशु लिदै भिम कुमारीले भनिन अब जे हुनु भैहाल्यो आफ्नो ख्याल गर्दै काम गर्नु होला यताको पिर नलिनुस म छदै छु, तर यो प्रदेशीको मन बुझाउने बाटो मात्र हो भन्छन उनका श्रीमान् । यति बेला भिम कुमारी ८ बर्षिया छोरीलाई लिएर बेलाको मटेरियामा आश्रय लिरहेकी छन् ।

यसै बीच देउखुरी उधोग बाणिज्य संघका महासचिब कमलजंग सिंह ठकुरी, नेपाली कांग्रेस साबिक बेला गाबिसका सभापती शरद कुमार बुढाथोकी र राजपुर गाउपालिका वडा नम्बर पाँचका वडाध्यक्ष नरेन्द्र सिंह भण्डारीले आज शनिबार अग्नी पिडितलाई आर्थिक राहत प्रदान गरेका छन् । आज शनिबार एक कार्यक्रमको आयोजना गरेर आगलागी पिडित सुनारलाई नेपाली कांग्रेस साबिक बेला गाविसका सभापति शरद कुमार बुढाथोकीले नगद पन्ध्र हजार र राजपुर गाउपालिका वडा नम्बर पाँचका वडाध्यक्ष नरेन्द्र सिंह भण्डारीले दश हजार रुपैया प्रदान गरेका हुन् । त्यस्तै देउखुरी उधोग बाणिज्य संघका महासचिव एवं युवा व्यवसायी कमलजंग सिंह ठकुरीको नेतृत्वमा लमही बजारमा व्यवसाय गर्ने व्यवसायीहरुसंग संकलन गरेको खाद्य सामान पिडित सुनारलाई प्रदान गरिएको छ ।